Konferénsia TVET 2019, Haforsa Indústria No Governu

Sekretáriu Estadu Formasaun Profisionál no Empregu SEFOPE Julião da Silva hato'o hela ninia deskursu antes ensera konferensia internasionál TVET 2019 ne'ebé hala'o iha salaun Novu Turismu durante loron ida, iha Dili (15/11) Sekretáriu Estadu Formasaun Profisionál no Empregu SEFOPE Julião da Silva hato'o hela ninia deskursu antes ensera konferensia internasionál TVET 2019 ne'ebé hala'o iha salaun Novu Turismu durante loron ida, iha Dili (15/11) Foto Suplai

Tempotimor (Dili) – Konferénsia Internasionál TVET 2019, bele haforsa relasaun entre parte sira interesadu ba Indústria no governu ho Sentru Informasaun sira, no mós bele aprende istória susesu sira iha ASEAN no Austrália kona-ba TVET relasaun ho indústria.

Sekretáriu Estadu Formasaun Profisionál no Empregu (SEFOPE), Julião da Silva hatete lia hirak ne'e bainhira ensera Konferensia Internasionál TVET 2019, ne'ebé hala'o iha salaun Novu Turizmu, Sesta (15/11/19).

Konferensia Internasionál TVET 2019, organiza husi Instituto Nacionál de Desenvolvimento de-Mão-de-Óbra (INDMO) no Fundus Dezenvolvimentu Capitál Humanu (FDCH).

Iha konferensia ne’e, bele subliña ligasaun entre investimentu sira iha TVET no kresimentu ekonómia Timor-Leste. No mós, bele hasa’e presepsaun TVET nian hanesan dalan edukasaun ida ne’ebé iha valór ba sosiedade timoroan. 

Okaziaun ne'e SEFOPE agradese ba INDMO no FDCH ne'ebé bele organiza Konferensia Internasionál ne'e, no nia agradese mós ba oradóres internasionais no nasionais sira ne'ebé fahe ona matenek ka esperiensia balun ba sentru formasaun no setór privadu sira. 

Governante ne'e espera sentru formasaun sira ne'ebé partisipa iha konferensia internasionál ne'e bele aprende ona bu'at balun husi oradór sira, nune'e bele hasa'e liután kualidade maun-deobra iha ita nia nasaun Timor-Leste.

Oradór ba iha konferensia ne’e mak: Sanyog Bhattarai husi Faculty Specialist, Colombo Plan Staff College (CPSC), Jim Lrwin, Manager Strategic Project Development-William Angliss Institute, based in Melbourne, Australia, Kazutoshi, Chatani Employment Specialist (ILO), José Simão Tito Barreto Diretór CNEFP-Tibar, Azebedo Marçal, PhD, Asesor prinsipál SEFOPE, no Sean Leesue, Australian Industry Representative.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com