Ministru Prezidénsia Konsellu Ministrus, Fidelis Manuel Leite Magalhães esplika, Planu lejizlativu ne’e elabora ona bazeia ba proposta ne’ebé submete husi membru Konsellu Ministrus sira no konsiste previzaun intervensaun lejizlativa Governu nian ida no respetiva prioridade, ne’ebé fahe ba setór sira, ba tinan 2023.

Tanba planeamentu lejizlativu nu’udar instrumentu ne’ebé konsagra ona iha Polítika Reforma Lejizlativa nian ba hadi’a kualidade atividade lejizlativa Governu nian.

Ba tinan 2023, nivel dezenvolvimentu kapitál sosiál nian prevee intervensaun lejizlativa 31, iha dezenvolvimentu infraestrutura sira ne’ebé ho kálkulu totál intervensaun lejizlativa 27, iha dezenvolvimentu ekonómiku planu lejizlativu aprezenta intervensaun lejizlativa 33, iha área konsolidasaun governativa ne’ebé prevee intervensaun lejizlativa 35 no ba nivel governasaun di’ak no kombate korrupsaun ho kálkulu totál   inisiativa lejizlativa hamutuk 79. (*)