"Hafoin Análiza kle'an KM atu levanta konfinamentu obrigatóriu hahú aban kalan noite sei la extende tan maibé Konsellu Ministru husu atu sidadaun responsabilidade ba nia komunidade sira-nia saúde atu kumpri regra sira husi Ministériu Saúde no pesoál saúde sira nian”, dehan Ministru Prezidensia Konsellu Ministru, Fidélis Leite Magalhães, iha Ministériu Finansas, Aitarak Laran, kuarta (08/09).
Maske hakotu konfinamentu no kontinua nafatin serka sanitária, maibé fó livre ba sidadaun ne'ebé mak halo resenseamentu iha Eleitorál iha Munisípiu ka Postu no Suku sira ne'ebé mak besik.
Iha ne’e mós serbisu hamutuk ho instituisaun sosiál sira hanesan Igreja sira organizasaun massa sira atu implementa protokolu sira ne'ebé pesoál saúde sira hato'o.
Maibé husu nafatin ba konunidade sira ne’ebé Ba merkadu no loja sira inklui mós Igreja sira atu uza máskara no evita aglomerasasaun iha Munisípiu Dili nian.
Polísia Nasionál Timor Leste mós sei nafatin hala'o nia serbisu iha Munisípiu Dili nian oinsá sidadaun sira atu kumri nafatin regra sira ne'ebé fó sai ona husi Ministériu Saúde.
Nune'e Konsellu Ministru husu nafatin ba sidadaun sira atu hakbesik-an ba sentru Saúde atu kontinua nafatin simu vasina hodi hamenus Covid-19 iha Timor-Leste, Vasina dala ikus atu hakotu Covid-19 iha isin. (*)
