Login to your account

Username *
Password *
Remember Me

Governu Aprova Lei Provimentu Renumeratóriu ba Titulár Sira

Ministru Prezidénsia Konsellu Ministrus, Fidelis Manuel Leite Magalhães. Ministru Prezidénsia Konsellu Ministrus, Fidelis Manuel Leite Magalhães. Foto Suplay

Tempotimor (Dili)-Governu liuhusi Konsellu Minístru, aprova ona dekretu-lei kona-ba provimentu no remunerasaun ba titulár sira órgaun pesoa koletiva ne’ebé integra iha administrasaun indireta estadu nian.

"Diploma ne’e, define eskalaun remunerasaun haat, tuir despeza média orsamentu iha tinan lima ikus husi kada ema koletiva públika no tinan-tinan, to’o loron 31 fulan-janeiru, Konsellu Ministru, ho rezolusaun Governu nian, determina, ba tinan refere, eskalaun pesoa koletiva públika sira ne’ebé abranje iha diploma ida-ne’e", haktuir komunikadu ne'ebé www.tempotimor.com asesu iha portal pájina Governu, kuarta (23/11).

Projetu Dekretu-Lei ne’e, aprezenta husi Ministru Prezidénsia Konsellu Ministrus, Fidelis Manuel Leite Magalhães no hetan duni ona aprovasaun.

Tanba ne’e, titulár sira husi órgaun pesoa koletiva nian ho despeza média ne’ebé hanesan ka aas-liu husi dolar amerikanu millaun US$10 maka valór ne’ebé korrespondente ba 90% no aas-liu husi dolar amerikanu millaun US$5 maka valór ne’ebé korrespondente ba 80% husi remunerasaun Primeiru-Ministru nian.

Tuir mai, despeza média ne’ebé aas-liu husi dolar amerikanu millaun US$1 maka valór ne’ebé korrespondente ba 70% no aas-liu husi dolar amerikanu millaun US$1 maka valór ne’ebé korrespondente ba 60% husi remunerasaun Primeiru-Ministru nian.

"Haree ba nivel responsabilidade, grau kompleksidade no ejijénsia husi tarefa sira ne’ebé liga ba kargu ne’e, valór hirak ne’ebé baibain prátika ona iha merkadu husi setór atividade ne’ebé hanesan, ba kompeténsia téknika no ba kurríkulu akadémiku no profisionál husi ema ne’ebé hetan nomeasaun, bele ba órgaun sira Diresaun empreza públika nian, estabelese remunerasaun ho valór aas-liu husi valór ne’ebé temi ona, maibé labele ultrapasa valór remunerasaun ne’ebé legalmente prevee ba Prezidente Repúblika", tuir komunikadu.

Nune’e, regra ne’ebé define ona iha diploma, sei aplika de’it ba titulár husi órgaun sira ne’ebé hetan nomeasaun hafoin Diploma ne’e tama iha vigór, inklui mós ba kazu sira nomeasaun ninia efeitu maka renovasaun ka rekondusaun iha mandatu ka kargu ne’ebé antes ne’e ezerse ona. (*) 

Rate this item
(0 votes)
Last modified on Wednesday, 23 November 2022 16:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter