Login to your account

Username *
Password *
Remember Me

MAPKOMS Husu Média Oficcer Tenke Habelar Informasaun ba Públiku

MAPKOMS, Francisco Martins da Costa Pereira Jerónimo ho MS, Odete Maria Freitas Belo fo hamutuk hafoin asina akordu iha salaun palasiu de Cinzas, Kaikoli, segunda (19/12). MAPKOMS, Francisco Martins da Costa Pereira Jerónimo ho MS, Odete Maria Freitas Belo fo hamutuk hafoin asina akordu iha salaun palasiu de Cinzas, Kaikoli, segunda (19/12). Foto Suplay

Tempotimor (Dili)-Ministru Asuntu Parlamentar no Komunikasaun Sosial (MAPKOMS), Francisco Martins da Costa Pereira Jerónimo husu media oficcer sira presiza ativu atu ezekuta papel kona-ba apoiu gabinete kada ministru sira hodi fahe no habelar informasaun ba públiku.

"Ha'u hameno de’it ba media oficcer sira presiza atu ativu, tanba tinan hirak liuba, ita iha enkontru sira ne'ebe iha, sempre ko’alia atu media oficcer ninia servisu ne'e lalais tán, tanba Ministru ne'e ohin nia ba halo servisu atende atividade iha fatin ida, nia sai fali husi ne'e ba fali fatin ida ne'eba, nia sai fali husi ne'eba loron ida tomak nia la deskansa, maibé depois ikus mai media oficcer sira laiha informasaun katak Ministru halo buat ruma", dehan Ministru iha salaun palasiu de Cinzas, Kaikoli, segunda (19/12).

Tanba, papel importante ne'ebe media oficcer sira halo ne'e la'os lorloron ba hasai foto depois rai tiha de'it, ka share tutan ba malu de'it, maibé pelu menus iha netik mensajen ruma kona-ba saida mak Ministru halo no saida mak diretor sira halo.

"Diretor sira mos lorloron halo servisu makaas hela, maibé ita nunka hatun, entaun ema dehan ita laiha servisu, ida-ne'e ami hanoin ita presiza halo avaliasaun, ita haree fali ita-nia failla iha ne'ebé, problema tanba ita-nia rekursu la sufisiente ou problema tan ema ne'e ida de'it no presiza rua tolu, ou mákaina mak laiha, entaun ita tenke halo avaliasaun hodi hatene atu fo solusaun ba ita-nia problema sira", nia informa.

Fatin hanesan Ministra Saúde (MS), Odete Maria Freitas Belo mós krítika oituan ho ninia média oficcer sira, tanba ladun fahe informasaun kona-ba atividade sira ne'ebe Diretor Jerál no Diretor Nasional inklui Xefe seksaun sira halo iha baze.

"Dala barak mos ita-boot sira haree iha ami-nia média ka ami-nia meius ne'ebe mak ami uza para bele fahe informasaun, ita-bele haree Ministra Saúde nia foto mak barak, maibé oinsa ho diretor jerál sira, oinsa ho xefe departamentu sira-nia servisu, oinsa ho diretor nasional sira ninia servisu ne'ebe mak importante tebtebes liga ho komunidade", nia afirma

Tanba, parte Ministériu Saúde mós seidauk iha esperensia oinsa atu fahe informasun, nune'e asina ona akordu ho MAPKOMS, atu bele apoiu kapasitasaun atu bele fahe informasaun ne'ebé iha balansu.

"Prontu iha dalan ba ita atu bele fahe informasaun ne'e ba ita-nia komunidade sira", nia hatete.

Nune'e, informasaun ne'ebé ministériu sei tau prioridade atu fahe mak hakarak hadi’a ema-nia koiñesimentu no ida seluk mak fahe MS nia atividade kada loron ba públiku. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter