Login to your account

Username *
Password *
Remember Me

Francisco Husu PR Horta Valoriza UDT Nia Ema sai Vítima iha 1974

Sekretáriu Jerál Partidu UDT, Francisco David Xavier Carlos ko’alia hela ba media hafoin audensia ho PR, José Ramos Horta iha palasiu prezidénsial, Bairo Pite, tersa (20/12). Sekretáriu Jerál Partidu UDT, Francisco David Xavier Carlos ko’alia hela ba media hafoin audensia ho PR, José Ramos Horta iha palasiu prezidénsial, Bairo Pite, tersa (20/12). Foto Suplay

Tempotimor (Dili)-Sekretáriu Jerál Partidu Uniaun Demokrátiku Timorense (UDT), Francisco David Xavier Carlos husu ba Prezidente Repúblika (PR), José Ramos Horta atu valoriza ka fo rekoiñesimentu ba UDT nia ema sira ne'ebé sai vítima, tanba hetan sofrimentu ho inosentemente iha tinan 1974-1975.

"Ami mós husu ba Prezidente Repúblika oinsá governu no estadu iha-ne'e, fo rekoñesimentu ida ba vítima UDTISTA sira, inosentemente iha tinan 1974-1975 ida-ne'e mak ami hato'o ba PR Horta iha audensia ida ne'e", dehan nia hafoin audensia ho Xefe Estadu iha palasiu prezidénsial, Bairo Pite, tersa (20/12).

Tanba, audensia ho Xefe estadu ne'e, involve mós ho vítima UDTista sira, nune'e ko'alia oituan mós kona-ba pozisaun governu no estadu atu halo prezente no rekoñesementu ba vítima ne'ebé inosentemente.

Durante enkontru, UDT mos aprezenta ba Prezidente Repúblika kona-ba UDT ninia inisiativa hadi’a rate ne'ebé vítima UDTista sira ne'ebé iha Aileu nomós fatin seluk ne'ebé futuru sei haloot sira ho dignu.

Purtantu, parte Prezidente Republika konkorda ona atu haruka tékniku asesor sira oinsa hato'o karta ba governu hodi haree no hodi foti solusaun ruma nomos halo estudu ida ba futuru.

"Ne'e mak ko'alia hamutuk ona, PR Horta mós aseita oinsá mak iha futuru atu bele rezolve situasaun ne'e", dehan nia.

UDT mos sei ko'alia ho líder hanesan Xanana Gusmão nomos lider sira husi partidu FRETILIN kona-ba situasaun ne'ebé dadaun atualiza ona ba PR.

Enkuantu, parte seluk UDT mós hato'o votu agradesementu ba Prezidente Repúblika, José Ramos-Horta, ne'ebe hala'o esforsu durante fulan 7 hodi Timor tama ba ASEAN nu'udar membru 11 ho estatutu hanesan observador. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter