Serimónia ne’e, komunidade sira senti haksolok simu Ministru Francisco Martins da Costa Pereira Jerónimo ho nia ekipa, liuhusi programa kulturál, hananu no tara tais.
Nune’e, Ministru Francisco Martins husu ba joven sira tau responsabilidade ba sentru ne’e ho di'ak hodi bele hatutan informasaun ba komunidade Ainaru no ba fatin seluk.
Xefe suku Mulo, José Florindo Andrade mós senti kontenti no agradese tebes ba MAPKOMS, tanba bele harii ona sentru hodi fasilita informasaun ba komunidade sira.
Entretantu serimónia inaugurasaun ne'e, hetan partisipasaun husi administradór munisípiu Ainaru, diretor sira iha Munisípiu Ainaru, Komandante Eskuadra Polísia Nasional Timor-Leste (PNTL) Hatu-Builico, kargu xefia sira husi MAPKOMS inklui komunidade husi Suku-Mulo. (*)