Prezidente Autoridade Munisípiu Baukau, Olivio Freitas, informa, orsamentu jerál estadu tinan-2023 nian, ne’ebé Governu aloka ba Munisípiu Baukau ne’e, bazea ba proposta husi Munisípal.
"Orsamentu apróva nia planu asaun iha, tenke haree ba nia programa, apróva ona osan sei uza ba ne'eba, la ses husi ne'e", dehan nia iha kna'ar fatin administrasaun Munisípiu Baukau, Kuarta (14/12).
Nune’e, programa 11 ne'ebé sei implementa ho orsamentu hamutuk tokon US$7,564,824 maka hanesan, estrada no ponte ho nia orsamentu US$128,468.00, dezenvolvimentu rural no urbanu US$394,214.00, seguránsa nasionál US$42,679.00, asesu justisa US$40,743.00.
Boa governasaun no jestaun instituisionál US$3,082,857.00, agrikultura US$571,648.00, bee no saneamentu IS$123,308.00, saúde US$342,174.00, edukasaun no formasaun US$2,657,409.00, igualdade jéneru no inkluzaun sosiál US$155,295.00 inklui turizmu US$26,038.00. (*)
