"Berlin Ramelau tinan ida ona, presiza atu halo manutensaun, sé wainhira nia halo manutensaun, tenke Ró ida mai troka, se la'e nakroma bolu ramelau hatan", dehan nia liuhusi debate jeneralidade loron daruak nian ba proposta lei OJE 2023, iha plenária PN, tersa (08/11).

Nia husu atu halo manutensaun rutina kada tinan ba Ró Ramelau, nune'e labele sai hanesan Ró nakroma ne'ebe hein to'o dodok mak foin tau osan lori ba halo manutensaun iha indonezia to'o fali tinan ida ona mos seidauk konklui.

Tanba ne'e, CNRT hakarak fo hanoin ba governu, katak povu oekusi mos povu Timor-Leste, governu presiza tau atensaun atu kria kondisaun transporte ba sira.

Bankada CNRT mos hato'o parabens ba empreza timoroan ida iha Rejiaun Administrativu Espesial Oekusi Ambeno (RAEOA) ne'ebe fuan boot tebes sosa Ro susesu hodi atende preokupasaun husi povu oekusi ninian.

"Parabens ba patraun Abi, ne'ebé ho fuan domin duni ba povu oekusi para hola Ró susesu, atu atende netik povu oekusi nia hakilar kada tinan, kada semana, kada loron," nia hatete. (*)