Login to your account

Username *
Password *
Remember Me

KHUNTO Konsidera OJE Billaun US$3 Seidauk Sufisiente

Osan Dolar. Osan Dolar.

Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Olinda Guterres konsidera Proposta Lei Orsamentu Jeral Estadu (OJE) tinan 2023 ne'ebé governu prevee ho montante billaun US$3 resin ne'e seidauk sufisiente atu rekoopera situasaun sira iha rai laran.

"Orsamentu ba tinan 2022-2023 relativamente aas, maibé ida-ne'e nesesáriu hodi governu kontinua istimula impersiona ita-nia ekonómia depois de estragu ne'ebe mosu husi krize ho COVID-19 no inundasaun durante tinan 2020-2021, ba ha'u orsamentu ida-ne'e naton ou dalaruma bele la to'o. E ha'u dehan ne'e lato'o, ha'u horiklan konsulta ate ha'u nia maluk sira iha portugal mos ha'u husu hotu, dehan ita-nia nasaun atu la'o ba oin, presiza osan para bele investe iha fatin barbarak", dehan Olinda liuhusi debate jeneralidade loron daruak ba OJE 2023 iha plenaria PN, tersa (08/11).

Tanba, KHUNTO mos konsulta ho nasaun estranjeiru balun ne'ebe fo opiniaun katak, dezenvolvimentu iha estadu no nasaun ida ne'e presiza osan atu investe iha fatin barbarak.

Tanba ne'e, bankada KHUNTO mos prefere atu orsamentu ne'e tenke aumenta duni hodi fo apoiu makaas liu ba agrikultura, tanba kada ema umanu ninia dapur ne'e iha agrikultor nia liman.

Aumenta mós osan ba Ministeriu Truismu Komersiu no Industria (MTCI), tanba presiza duni atu dezenvolve retornu ba estadu.

Maske iha kritiku balun mai husi entidade sira katak, tinan oin mai tama ona ba tinan politika ninian, ida ne'ebe partidu politiku sei hadau malu hamrik iha palku leten no la fokus ba ezekusaun, maibé KHUNTO so dehan  katak, deskusaun OJE 2023 ne'ebe PN halo ne'e  ba estadu, la'os ba partidu politiku. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter