Vizita kortezia ne’e simu diretamente husi Director Te Wins Telkom Group, Bogy Witjaksono ho nia ekipa.
Tanba, antes ne’e, gabineti MAPKomS mós hetan ona vizita husi Director Te Wins Telkom Group, akompaña ho nia delegasaun husi Jakarta.
MAPKomS ho delegasaun mos hala'o enkontru ida ho parte Te wins Telkom Group hodi ko'alia kometimentu sira kona-ba servisu no apoiu nafatin Governu no povu Timor-Leste, liu husi área komunikasaun no digitalijasaun.
Nune’e, Ministru Francisco Jerónimo nafatin husu ba parte Telkom nian oinsá bele ajuda Governu Timor-Leste no povu liu-liu ba iha instalasaun ka koneksaun ba telekomunikasaun iha área rural.
"Atu povu bele asesu informasaun ne’ebé di’ak hanesan VIII Governu ninia programa ne’ebé nafatin iha kometimentu atu lori informasaun loloos ba to’o iha povu nia leet, liu husi programa ‘Naroman ba Suku' ne'ebé hala’o hela e harii ona mós sentru informasaun iha parte balun," dehan Ministru Jerónimo liuhusi komunikadu imprensa ne'ebé públika iha pajina ofisial MAPKomS, kuarta (26/10).
Telin Group mos informa kona-ba vizaun oinsá ezisténsia iha TL nomos nasaun seluk, liu-liu serbisu hamutuk besik tinan 10 ona telin investe iha TL.
Durante vizita ba indonezia, MAPKomS ho ninia ekipa delegasaun mos hala'o ona vizita kortezia ba Embaixada TL iha Jakarta. (*)
