Login to your account

Username *
Password *
Remember Me

Rezultadu Alterasaun Klimátika Kontribui Millaun US$100-resin ba TL

Enviadu Espesial ho Kategoria Embaxador Itinerante Assuntu Klimatiku, Adão Soares Barbosa ko’alia hela ba media iha palasiu Prezidensiál, Bairo-Pite, kuarta (26/10). Enviadu Espesial ho Kategoria Embaxador Itinerante Assuntu Klimatiku, Adão Soares Barbosa ko’alia hela ba media iha palasiu Prezidensiál, Bairo-Pite, kuarta (26/10). Foto Suplay

Tempotimor (Dili)-Rezultadu negosiasaun alterasaun Klimátika ne'ebe hala'o husi Enviadu Espesial ho Kategoria Embaxador Itinerante Assuntu Klimatiku, Adão Soares Barbosa iha mundu internasional konsege kontribui ona orsamentu hamutuk millaun US$100-resin ba Timor-Leste.

"Ohin hala'o mos atualizasaun informasaun, durante ita ba halo negosiasaun iha mundu internasional hatama osan lubuk ida ba Timor-Leste, katak osan fundu klimátika sira ne'ebe bele aloka mai TL ne'e liuona millaun US$100," dehan Enviadu Espesial ho Kategoria Embaxador Itinerante Assuntu Klimatiku, Adão Soares Barbosa iha palasiu prezidensiál, Bairo-Pite, kuarta (26/10).

Tanba ne'e, ekipa enviadu espesial hala'o enkontru ho Prezidente Repúblika, José Ramos Horta, atu atualiza servisu Embaxador Itinerante Assuntu Klimatiku ne'ebe Timor-Leste mak lidera no envolve husi nasaun hamutuk 46 iha mundu.

Dadaun Timor-Leste, sai koordenador ba negosiasaun alterasaun klimátika kona-ba lakon ho estragu iha mundu, la'os tanba sai uluk embaixador mak hetan poder ida-ne'e, maibé antes ne'e Timor-Leste mos sai ona koordenador ba alterasaun klimátika kona-ba lakon ho estragu no negosiasaun alterasaun klimátika iha ONU, hahú husi 2009 to'o ohin loron.

Aleinde ne'e, Timor-Leste mos sai vise-prezidente ba Péritu ne'ebé hanaran Least Developed Countries Expert Group iha ONU.

Nune'e mos, atualiza informasaun kona-ba envolivimentu Timor-Leste iha mundu atu bele fó influensia wold ba desizaun internasional atu luta kontra alterasaun klimátika mundial.

Purtantu husi millaun US$100-resin ne'e, konta mos ho fundu klimtika verdi, (Green Climate Fund) hamutuk millaun US$53.3 inklui mos fundu seluk liga ba rezultadu negosiasaun alterasaun klimátika.

Nune'e mos, projetu balun hanesan koridor Dili-Ainaru nian, ne'ebe mos hetan alokasaun millaun US$5.5 no alokasaun millaun US$22 husi fundu klimátika verdi ne'ebé projetu la'o hela, inklui aloka millaun US$21 ba Timor-Leste, atu estabelese teknolojia fó sai informasaun ba komunidade antes dezastre mosu, ne’ebé hanaran (Sistema Alerta Sedu).

Husi negosiasaun hirak ne'ebé Timor-Leste hetan, ida-ne'e atu hasa'e rejilensia iha Timor-Leste. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter