“Ita-boot sira sei lembra kuandu ha'u ko'alia iha salaun Katedral nia sorin, ha'u dehan hanesan ne'e kuandu CNRT sumba orsamentu ha'u dehan se ita-boot sira ataka ha'u dala-barak, oportunidade iha para hakoi imi tanba ha'u lahakoi. Ne'e mós hatudu diferensa seu Prezidente Lú Olo ho Diferensia Sekretáriu Jerál nian, ita-boot sira iha Líder na'in Rua e parabéns ba ita-boot sira. Ne'ebé previléjiu ida-ne'e, obrigadu ba CNRT ne'ebé soe hela tiha ha'u, mais obrigadu ba maun Mari ne'ebé Tane-ha'u”, dehan Taur  iha Kongressu FRETILIN ba dalimak, iha salaun Sentru Konvensan Dili (CCD), kinta (08/09).

Maibé situasuan ne'ebé iha, sai hanesan referesaun ida tanba públiku hotu hatene Taur serbisu ho Xanana Gusmão ne'e durante tinan 17 iha aí laran, hanesan (Wakil- Segundu Homen) no iha Kongressu ida-ne'e laiha ema ida mak koiñese Xanana liu fali nia.

“Ami-rua la'ós de'it iha Vila, iha ai-laran mós, bele hirus malu to'o tinan lima-neen, husu ita-boot sira-nia komandante Lere ne'e”, hatete nia.

Maibé iha buat ida ne'ebé iha diferente katak buat ne'ebé mak halibur ida-ne'e boot liufali saida mak fahe, ne’e mak nasaun no povu.

“Tanba ne'e obrigadu ba maun Mari no Maun Lú Olo e obrigadu liliu previléjiu ne'ebé ha'u simu para ko'alia iha kongressu ida-ne'e”, dehan nia.

Iha ne'e, Taur Matan Ruak mós sente agradese tanba previléjiu boot ne'ebé nia hetan, depois liu tiha tinan 48, pratikamente mai hamrik iha ne'e hodi ko'alia ba estrutura tomak no militante Partidu FRETILIN iha Kongressu ba dalimak ne'e.

“Hau hanesan Primeiru Ministru, ne'e hanesan (kebutuhan) de'it, tanba ha'u hatene ha'u-nia an katak ha'u-nia tempu seidauk to'o, ne'e sei iha oin, besik ona mais sei iha oin”, dehan nia. (*)