Login to your account

Username *
Password *
Remember Me

PN Kontaktu Ona PNTL Prodúz Relatóriu Espesífiku ba Sidadaun Tara-an iha Sela 

Prezidente Komisaun B, José Agustinho Siqueira 'Somotxo'. Prezidente Komisaun B, José Agustinho Siqueira 'Somotxo'. Foto Suplay

Tempotimor (Dili)-Parlamentu Nasionál (PN) liuhusi Komisaun B trata asuntu negósiu estranjeiru, defeza no seguransa deside kontaktu ona Polísia Nasionál Timor-Leste (PNTL) atu prodúz relatóriu espesífiku ida kona-ba sidadaun ne'ebé mate ho kondisaun tara-an iha sele detensaun komandu PNTL munisípiu Dili.

“Sim konserteza ha'u telefone ona sira atu haree relatóriu prominór maibé relatóriu ida ne'ebé relata prinsipálmente ba akontesimentu. Konserteza mate ne'e ho tanba sá mak nia mai tama sela, depois mate iha sela laran”, dehan Prezidente Komisaun B, José Agustinho Siqueira 'Somotxo' iha Parlamentu Nasionál, segunda (12/09).

Tanba akontesimentu sidadaun tara-an sela laran, presiza relata relatóriu ida-ne'e para públiku bele hatene, nune'e  ida-idak labele defende nia-an. tanba vítima ne'e iha rua, ida-ne'e  kuandu laiha investigasaun maka ida-idak sei defende nia-an, ninia família ne'ebé lahatene sala loloos ne'e iha sé.

Dadauk Parlamentu Nasionál rasik mos iha hela resesu, entaun presiza iha relatóriu tanba falta loron tan deputadu sira sei hahu tama filafila hala'o servisu no bele halo análiza ba relatoriu ida-ne'e.

Maske kazu ne'e rasik tribubál sei hala'o investigasaun maibé parlamentu nasionál nu’udar orgaun lejisladór entaun  komisaun B mós bele haree situasaun ne'e hanesan fó hanoin, ho realidade ne'ebé akontese.

Tanba kazu ne'ebe akontese Komisaun B rasik sei labele fó hanoin tuir rezultadu husi analiza laboratoriál ka análiza husi investigasaun ida PSIK ho SIK ninian, maibe presiza relatoriu agora mate ida oinsá, no presiza hatene.

“Foin ha'u mai laiha relatóriu ida iha meza leten”, dehan nia.

Deputadu Bankada CNRT, Aderito Hugo husu ba Polísia Nasionál Timor-Leste (PNTL) atu klarifika motivu husi kazu sidadaun mate iha sela ho kondisaun tara-an ba públiku atu akompaña no hatene.

“Públiku nia preokupasaun ba akontesimentu ida ikus-ikus ne'e mak ita presiza de'it ejize komandu atu ho transparante atualiza progressu sira investigasaun ba kazu sira-ne'e, droga primeiru, segundu perturbasaun orden públika ne'ebé komete husi orgnizasaun sira, terseiru akontesimentu ba joven ida mate iha sela, katak haree progressu ne'e la'o to'o iha ne'ebé”, hatete nia.

 

Maibé Bankada CNRT mós sente katak problema ida-ne'e sai mós papel importante ida ba mídia atu follow up kazu sira-ne'ebé públiku hein hela husi komandu atu pronúnsia katak, motivu saida mak akontese no sé mak komete iha joven ida mate iha sela ne'e.

Tanba hanesan públiku hotu hatene no akompana kona-ba kazu joven ida mate iha Jakarta-Indonézia, Prezidente Repúblika rasik husu ba komandu PORLI atu halo prosesu b kazu ne'e ho nakloke ba públiku.

“Tanba públiku preokupadu ita-nian mos hanesan joven ida mate ne'e, komandu tenke esplika ba públiku”, dehan nia.

Maske kazu ba justisa ne'e buat ketak ida maibé tenke hatete buat ruma, sé mak komete iha kazu ida joven mate iha sela mesmu iha hela PNTL nia koridór nomos kazu seluk mak Padre Bento matebian, ne'ebé mate iha Dare, to'o ohin loron seidauk iha esplikasaun ida husi PNTL.

“Ami hanoin katak depois de resesu hotu Komisaun B mós sei bolu komandu para atu mai”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter