Login to your account

Username *
Password *
Remember Me

PR Horta Konsidera Investimente LNG Sai Asuntu Komplexu

Prezidente Republika (PR), José Ramos Horta. Prezidente Republika (PR), José Ramos Horta. Foto Suplay

Tempotimor (Dili)-Prezidente Republika (PR), José Ramos Horta konsidera prosesamentu ba investimentu Gás Naturál Liquifeitu (LNG) sai hanesan asuntu komplexu, maske nia sei fó retornu boot ba Timor-Leste.

Tuir komunikadu Imprensa ne'ebé fó sai husi Gabinete Prezidente Repúblika, iha loron (10/09) katak, Xefe Estadu rasik vizita ona projetu investimentu ida-ne'e iha Darwin hodi haree ninia prosesu instalasaun Gáz Natural Liquifeitu, ne’ebé mak jere dezde tinan 2006 husi empreza Santos.

Projetu investimentu LNG ida-ne'e atu simu gáz husi Bayu Undang no iha tinan hirak ne’e nia laran, fatin ida-ne’e sa altu nível teb-tebes, mak depois halo liquifeitu, tanba gáz ne’e ho volume boot teb-tebes.

Tanba ne'e, tenke kondensa, liuhusi mákina sira ne’e hotu, delikadu teb-tebes, alta teknolojia, depoiz ho ró-ahi ba Japaun no ikus mai fó retornu ba Timor-Leste.

Maibé husi Investimentu boot ho teknolojia mós fó perigu, risku oioin, ho ema matenek ne’ebé halo buat sira ne’e, Timor-Leste hein simu osan, depoiz osan sira-ne’e mak uza hodi investe buat lubuk ida liliu Estrada ba Dili, ba Lospalos, ba Baukau, ba Same, eletrefikasaun, bolsa estudu, ba ema ho difisiénsia, veteranu sira, ba faluk sira ne’e mai husi ida-ne’e.

Maske projetu Bayu Undan ne'e rasik tuir analizasan Estudu katak sei termina tempu tuir mai, maibé dadauk Empreza Santos mós sei monta tan ekipamentu balun iha Portu Tibar, atu fase ekipamentu sira-ne’ebé iha no fatin ne’e sai boot teb-tebes ba kapturasaun karbonu ne’ebé mak boot liu iha ázia nomós iha mundu.

Durante Vizita Xefe Estadu nian ba Austrália, diskute mós kona-ba dezenvolvimentu Greater Sunrise ne’ebé durante ne’e paradu, tanba pozisaun politika ne’ebé la hanesan no Austrália hakarak dada Gaz Natural Liquifeitu ba Darwin, enkuantu Timor-Leste hakarak dada gazodutu ba Beasu.

Ba Greater Sunrise ne'e rasik lokaliza kilometru 150 husi Kosta Súl Timor-Leste no kilometru 450 ba Darwin, Austrália. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter