Oekussioan Kondena APORTIL ‘Manipula’ Operasaun Ró Berlin Ramelau

By Tempo Timor July 18, 2022 774

font size decrease font size increase font size
Print
Email

Pasajeiru sira ne'ebé sosa Billete hobur hela iha Edifísiu Autoridade Portuáriu Timor-Leste (APORTIL), segunda (18/7). Foto Tempo Timor

Tempotimor (Dili)- Komunidade Rejiaun Administrativu Espesial Oekussi Ambeno (RAEOA) iha sidade Dili, kondena maka’as Autoridade Portuáriu Timor-Leste (APORTIL) manipula operasaun Ró Berlin Ramelau ba RAEOA, tanba muda nafatin oráriu operasaun.

“Iha semana kotuk dehan muda ba segunda, depois ami ohin mai dehan fali laiha, muda fali ba kinta (21/07), ne'e saída mak ne'e”, deklara Oekussioan, José Poit hafoin APORTIL kansela fa’an bilete ba Pasajeiru sira iha Portu Dili, segunda (18/07).

Tanba iha semana kotuk APORTIL taka sai avizu ida katak Ró Berlin Ramelau hasoru hela problema nesesidade balun nune'e fali operasaun ba loron segunda (18/07) maibé realidade la akontese.

Ho ida-ne'e, Oekussioan la satesfas ho servisu APORTIL ne'ebé mak halo fali manipulasaun ba pasajeiru sira ne'ebé mak hakarak atu halo viajen ba Oekussi.

“Hanesan ne'e nusa mak ita-boot sira la taka avizu iha-ne'e, agora ami mai hein tiha hanesan ne'e mak dehan fali muda ba kinta”, kritika José. (*)

Rate this item

(1 Vote)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com