Login to your account

Username *
Password *
Remember Me

Horta ‘Kontente’ Papa Francisco Nomeia Dom Vergílio Sai Kardeál

Prezidente Repúblika (PR), José Ramos Horta. Prezidente Repúblika (PR), José Ramos Horta. Foto Suplay

Tempotimor (Dili)-Prezidente Repúblika (PR), José Ramos Horta sente kontente no haksolok wainhira rona Amu Papa Francisco nomeia Arsebispu Metropolitanu Dili, Dom Virgílio do Carmo da Silva, sai nu’udar Kardeál dahuluk husi uma kreda iha Timor-Leste.

“Ida ne’e nu’udar orgullu ida ba sarani sira iha Timor-Leste, tanba Arsebispo Metropolitano Dili nu’udar mós kandidatu ida husi Kardeál na’in-21 ne’ebé mak anunsia husi Amu Papa Francisco”, dehan Horta liuhusi Komunikadu Imprensa ne'ebé www.tempotimor.com asesu, segunda (30/05).

Tanba iha loron Domingo Asensaun 29 Maiu 2022 liuhusi orasaun Maria do Regina Coeli, Amu Papa Francisco anunsiu konvokatória ida iha 27 Agostu ba kriasaun Kardeál foun.

Ho ida ne'e Prezidente Repúblika fiar katak pronunsiamentu ba kargu foun ne'ebé fó sai husi Amu Papa ida ne’e la'ós de'it lori previlejiu ba Arsebispo Metropolitano Dili Eminensia Dom Virgilio do Carmo da Silva, maibé mós nu’udar onra boot ida ba igreja katólika iha Timor-Leste.

“Ida ne’e nu’udar etapa istóriku ne’ebé mak simu husi komunidade katóliku tomak iha Timor-Leste ne’ebé dominante husi 98 persentu”, afirma nia.

Ba desizaun ne'e, Horta lori povu no nasaun nia laran hato’o sentimentu haksolok no orgulhu ba dezisaun sua Santidade Papa Francisco. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter