Login to your account

Username *
Password *
Remember Me

MAPKomS Sei ‘Haruka’ MI ho MS Klarifika Problema Liña Frente ba PNTL no Médiku

Ministru Asuntu Parlamentar no Kominikasaun Sosial (MAPKomS), Francisco Martins da Costa Pereira Jeronimo. Ministru Asuntu Parlamentar no Kominikasaun Sosial (MAPKomS), Francisco Martins da Costa Pereira Jeronimo. Foto Tempo Timor

Tempotimor (Dili)-Ministru Asuntu Parlamentar no Kominikasaun Sosial (MAPKomS), Francisco Martins da Costa Pereira Jeronimo hatete, nia parte sei haruka hikas ejizensia deputadu sira iha Parlamentu Nasionál kona-ba diretu Liña Frente ba pesoál Médiku no Membru Polísia Nasionál Timor-Leste (PNTL) ba Ministériu Saúde (MS) ho Ministeriu Interior (MI) atubele halo klarifikasaun.

“Atu informasaun kona-ba liña frente preokupasaun ne’ebé deputadu sira foti dala-barak iha parlamentu nasionál ne’e, nomós esplikasaun mai husi parte Governu nian mós dala barak ba plenária ida ne’e, tanba ne’e ha'u rejista filafali atu hato’o ba ministériu kompetente no ministériu interior nomós ministériu saúde atu fó filafali esplikasaun kona-ba liña frente”, dehan nia iha Plenária PN, segunda (30/05).

Maibé kona-ba problema liña frente ba jornalista Rádiu Televizaun Timor-Leste (RTTL), MAPKomS hakarak klarifika de'it katak momentu ne'eba lista ne'e mais husi RTTL rasik.

“Lista RTTL nian ne'e bazeia ba sira-nia servisu tanba momentu ne'e sira halo servisu fahe, loron ida tama halo tiha servisu entaun aban no bairua fali sira la tama no baintolu mak tama fali ida ne'e mak servisu ne'ebé durante ne'e sira halo”, esplika Ministru Francisco.

Tanba iha tempu COVID-19 jornalista sira iha RTTL fahe tempu hanesan ne'e, atu evita de’it ema mai bara-barak karik iha afeita mós ba moras, nune’e mós jornalista sira hetan moras dalabarak iha ne’eba.

“Pagamentu ne’ebé fó sira lahanesan tanba bazeia ba lista prezensa ne’e mak sei iha, ida ne’e lista prezensa ne’e mai husi RTTL rasik’, hatete nia.

Ho ida ne'e, Governu halo pagamentu tuir de'it lista ne’e iha mak lahanesan sira jornalista husi mídia sira seluk, tanba lista mai ne'e sira la aplika regra fahe tempu mak pagamentu kompletu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter