"Ita iha matéria lima, ida mak jestaun atendementu, ida mak komunikasaun i koordenasaun, depois matéria korespondensia hakerek surat ofisiál, matéria ida tán mak jestaun ba aan rasik no jestaun arkivu," dehan Diretór Nasionál Formasaun Kualifikasaun Profisional INAP, Jose De Arauju Chan, iha vila nova Baukau, segunda (30/05).
Espera formasaun ne’e, bele aumenta sira nia konesementu, atu sai funsionáriu ne’ebé di'ak hodi halo atendimentu ba públiku.
"Ita fó formasaun ne’e, ita kapasita sira hasa'e sira nia koiñesementu foun no balun foin mak mai karik agora muda fali mai área seluk ne’e," nia hatete
Partisipante husi segúransa sivil, Agostino Belo, senti kontenti ho formasaun refere, tanba bele eleva koñesementu no abilidade atu halo atendimentu di’ak ba komunidade.
"Ha'u hanoin foin primeira vez, mais ne’e atu bele eleva ita nia koiñesementu para ita bele halo servisu di'ak liután iha future eh ha'u mós espera, servisu hotu ne’ebe ita halo kuaze tinan hirak liu ba, ita seidauk halo formasaun ida ne’e, maibé ida ne'e ita bele halo servisu di'ak liután iha futuru oin mai," nia argumenta
Enkuantu formasaun refere durante loron 5, partisipante kompostu na'in-25 husi diresaun servisu protesaun sivil, segúransa patrimoniu públiku no bombeiru. (*)
