“Ha'u hanoin iha sirkular ka karta ida ke Prezidente Autoridade anterior fó sai katak rate semitériu Bekussi ita tenke para ona, tanba laiha ona espasu para depois ita atu hakoi tan mate, maibé realidade situasaun ida ne'e sei kontinua ate to'o ema ke'e rabat kedas ba baki ida ne'ebé haleu rate ninian”, dehan nia iha plenáriu PN, tersa (24/05).
Tanba haree ba kondisaun rate Bekussi nian, kada loron sempre iha ema mate, entaun Governu presiza rezolve situasaun ida ne'e hodi buka espasu seluk.
Ba preokupasaun ne'e, CNRT lahatene Governu iha ona solusaun ka lae, tanba iha tinan 2020 mós Governu rasik deside rai Metinaru destinadu ba semitériu hakoi mate isin sira ne'ebé infetadu COVID-19.
Maibé ida ne'e mós laiha projetu ka laiha servisu ruma atu hatudu katak semitériu ne'e loos ona, bele muda filafali ba ne'eba.
Tanba oras ne’e dadauk semitériu Bekussi laiha espasu ona, ho ida ne'e Ema sira hela sa'e ba Lahane mós bainhira família ruma mate, sira hakoi de’it iha sira-nia uma oin. (*)