Login to your account

Username *
Password *
Remember Me

Eleisaun Segunda Volta iha Baukau Taxa Partisipasaun Sei Aumenta

Administradór Kelikai, Mateus Soares Cabral ko’alia hela ba media iha iha resintu Administrasaun Baukau, segunda (18/04). Administradór Kelikai, Mateus Soares Cabral ko’alia hela ba media iha iha resintu Administrasaun Baukau, segunda (18/04). Foto Tomas Freitas

Tempotimor (Baukau)-Eleisaun prezidensiál segunda volta iha Munisípiu Baukau taxa partisipasaun sei aumenta, tanba Governu fasilita ona eleitóres sira husi Dili ba ida-idak nia Munísipiu tuir votasaun.

Eleisaun primeira volta, eleitóres barak mak la ezerse nia direitu votu, tanba balun difikulta husi transporte, maibé agora governu fasilita ona transporte husi Dili ba Munisípiu, atu hotu-hotu bele ezerse nia direitu.

Adminisitradór, Postu Adminisitrativu Kelikai, Mateus Soares Cabral, hatete, antes ne'e liuhusi autoridade lokál, fó sai ona esklaresimentu ba eleitóres sira atu partisipa iha festa demokrasia.

Tuir dadus provizóriu husi Postu Kelikai eleitóres ne'ebé la tuir iha eleisaun prezidénsial primeira volta, husi Suku Afaça na'in-277, Baguia 15, Laisorulai de Baixo 458, Maluru 311, Namanei 268, Makalaku 3, enkuantu suku seluk seidauk iha dadus serteza.

"Ami agradese ba governu nia kolaborasaun di’ak ho komunidade para ita nia eleisaun bele susesu, antes ne’e, barak la ezerse sira nia direitu, suku ida hanesan maluru ne'e 400, tanba iha dili la mai partisipa, ita segundu volta ne'e bele aumenta," dehan ba Mateus www.tempotimor.com iha resintu Administrasaun Baukau, segunda (18/04).

Sentru votasaun iha Postu Adminisitrativu Kelikai hamutuk 28 no estasaun votasaun 29, eleitóres sei ezerse nia direitu iha loron 19 fulan-abril tinan-2022.

Nune'e, Administradór Postu Adminisitrativu Baguia, António Ramos mós agradese ba Governu, tanba fasilita transporte ba eleitóres sira husi Dili ba ida-idak nia Munísipiu hodi ezerse nia direitu.

"Iha primeiru periodu ema barak la tuir vota, maibé iha segundu volta ne'e, ita nia Governu oferese transporte ba eleitóres sira ba Munísipiu atu bele ezerse nia direitu," nia akresenta

Taxa partisipasaun ba eleisaun prezidénsial primeira volta iha Baukau la dun masimu, maibé segundu volta, taxa partisipasaun sei aumenta, tanba Governu fasilita ona eleitóres sira husi Dili mai tuir votasaun iha ida-idak nia Suku.

"Dadus fiksu ne'e laiha, maibé iha Baguia ne'e ema barak la tuir vota, tanba iha momentu ne'eba balun difikuldade transporte," nia argumenta

Postu Adminisitrativu Baguia, suku hamutuk 10 ne’ebé iha sentru votasaun 21 kompostu husi Suku Afaloikai iha sentru votasaun 2, Alaua-Leten 2, Alaua-Kraik 2, Defawasi 2, Hae-Coni 5, Larisula 2, Lavateri 2, Samalari 2 Ossohuna-ida no Uakala 2. (*)

 

Rate this item
(0 votes)
Last modified on Monday, 18 April 2022 17:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter