Login to your account

Username *
Password *
Remember Me

Eleisaun Segunda Volta, Lere Dilema Apoiu Kandidatu Ida 

Eis Kandidatu Prezidente Repúblika (PR) Primeira Volta, Tenente Jenerál Reformadu Tito da Costa Cristovão ‘Lere Anan Timur'. Eis Kandidatu Prezidente Repúblika (PR) Primeira Volta, Tenente Jenerál Reformadu Tito da Costa Cristovão ‘Lere Anan Timur'. Foto Tempo Timor

Tempotimor (Dili)-Eis Kandidatu Prezidente Repúblika (PR) Primeira Volta, Tenente Jenerál Reformadu Tito da Costa Cristovão ‘Lere Anan Timur' hatete, nia parte dilema atu foti desizaun hodi fó apoiu ba kandidatu ida iha eleisaun segunda volta loron 19 fulan-abril 2022.

Tanba Kandidatura Prezidente Repúblika, Francisco Guterres ‘Lú Olo’ ho José Ramos Horta ne’ebé hetan apoi husi líder rejisténsia na’in-rua hanesan Taur Matan Ruak no Kay Rala Xanana Gusmão, durante kampaña eleitorál.

“Iha segundu ronde haree husi sorin-sorin iha Taur no Xanana, ha’u mezmu hanesan ema FRETILIN maibé dilema iha situasaun apoiu ida mós labele, nune’e sé iha momentu votasaun ha’u fó votu ba nasaun. Ita-nia independénsia tinan barak ona tanba de’it mosu impase polítiku halo la ba oin nune’e apela ba Prezidente Repúblika eleitu no ministru balun ukun rai ho responsabilidade, sentidu Estadu la’ós hanoin de’it kadeira no osan ne’ebé prezudika ba nasaun”, dehan Lere liuhusi konferénsia imprensa, sede Nasionál iha Praia dos Coqueiros, sábadu (16/04).

Maske Lere Anan Timur deklara nafatin hanesan ema FRETILIN, maibé deside sei vota tuir konsiénsia tanba  kandidatu Lú Olo nian Taur iha ne'eba ona, tanba ne'e nia lakohi atu sai opozisaun fali ba Xanana hanesan Prezidente Partidu CNRT ne’ebé fó apoiu ba Ramos Horta.

Tanba ne'e, Lere husu ba militante no apoiante sira ne’ebé apoiu votu iha primeiru ronde husi partidu oinoin, grupu arte-marsiál, atu idak-idak fila ba nia partidu no vota tuir konsiénsia iha eleisaun segundu volta. (*)

Rate this item
(0 votes)
Last modified on Sunday, 17 April 2022 12:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter