“Sim, ohin ami mai hasoru PM, relasiona ho posse ne'ebé ohin simu iha palásiu prezidente, hodi hala’o kna’ar foun, tanba ne'e mak ohin ami mai iha ne'e, mai aprezenta ba PM, relasiona ho kargu foun, nune'e mós ami simu orientasaun servisu husi PM katak bele kontinua serbisu ne'ebé mak iha ona”, dehan Sekretáriu Estadu ba Terras no Propriedade (SETP), Eldino Rodrigues dos Santos, hafoin hasoru malu ho PM, Taur iha Farol, kinta (31/03).
Ba kna’ar foun ne’ebé simu sekretáriu Estadu na’in-rua ne’e, sei sura loron Prezidente Repúblika, Francisco Guterres ‘Lú Olo’, kinta (31/03).
“Sim hahú aban ami hala'o ona servisu, bazeia ba posse ne'ebé mak ami ohin simu, katak ami sei hala'o ami-nia servisu iha ida-idak nia kna’ar fatin, ho servisu no programa ne'ebé iha”, dehan nia.
Sekretária Estadu ba Igualdade no Inkluzaun(SEII), Maria do Rosario Fátima Correia hatete, relasiona ho kna’ar foun ne'e, nia parte sei kontinua de'it servisu ka programa ne'ebé antes ne'e iha ona.
“Ba kargu foun ne'ebé iha, ha'u seidauk iha programa estratejiku, maibé sei kontinua nafatin programa ne'ebé iha ona, espera katak ha’u sei ba haree depois karik bele aumenta tán”, dehan nia. (*)
