Desizaun apoiu Horta iha eleisaun segunda volta, tanba PD rasik primeiru ko'alia kona-ba hatur konstituisaun iha ninia fatin, ema hotu tenke kumpri konstituisaun, segundu tau interese públiku, tau bens estar do povu sai prinsipiu alvu ba ukun hothotu, terseiru prinsipiu solidari, paternu, prinsipiu unidu ne'e Prezidente Horta mós ko'alia ida ne'e iha ninian kampaña.

“Ami-nia kumpromisiu katak, Prezidente Horta prontu simu idea hanoin ne'ebé mak iha kandidatu Asanami nian, prontu sira simu, entaun ida ne'e mak hanesan kumpromisiu para bele ba Prezidente Repúblika”, deklara Asanami, liuhusi konferénsia Imprensa iha sede PD, Kolmera, sesta (01/04).

Sekretáriu Jerál Partidu Demokrátiku (PD), Antonio da Conceição (Kalohan) hatete, Partidu Demokrátiku deside no deklara apoiu Kandidatu Prezidente Repúblika husi partidu Congresso Nasionál Reconstrução de Timorense (CNRT), José Ramos Horta ba Prezidente periódu 2023-2027.

“Partidu Demokrátiku deside no deklara apoiu kandidatu Partidu Congresso Nasionál Reconstrução de Timorense (CNRT), José Ramos Horta iha segundu Volta ba eleisaun Prezidensiál tinan 2022, ne'ebé markada iha loron 19 fulan-abril tinan 2022”, deklara Kalohan.

Tanba konsidera rezultadu eleisaun Prezidensiál iha primeira volta, iha loron 19 fulan-marsu tinan 2022 ne'ebé kandidatu CNRT, José Ramos Horta hetan maioria votu.

“Konsidera katak kandidatu partidu CNRT José Ramos Horta iha kapasidade atu promove diálogu, garantia unidade nasionál no vontade atu kumpri order konstituisaun no respeita konstituisaun”, deha nia. (*)