“Ne'e mak rezultadu sorteu ita-nian ne'ebé hala'o ohin, atribuisaun buletin mós tuir rezultadu ida ne'e katak, Kandidatu Primeiru José Ramos Horta no segundu Francisco Guterres Lú Olo”, dehan Prezidente Tribunál (TR), Deolindo dos Santos, bainhira anunsia rezultadu sorteu ba kandidatura PR, iha Kaikoli, kuarta (30/03).
Hafoin anunsia rezultadu númeru sorteu ne'e, Tribunál Rekursu deside entrega fali kompeténsia ba Komisaun Nasionál ba Eleisaun sira (CNE) halo koordenasaun ho Sekretariadu Tékniku Administrasaun Eleitorál (STAE) hodi bele halo imprensaun buletin votu ba kandidatura na’in-rua ne'e tuir númeru sorteu ne'ebé anunsia.
Iha ne'e, Tribunál Rekursu nafatin fó kompeténsia ba CNE atubele organiza kandidatura sira hala'o komísiu kampaña durante loron 15, hahú husi loron 2 to'o 16 molok tama eleisaun iha loron 19 fulan-abril.
Serimónia dada númeru sorteiu ba kandidatura PR ne’e, dirije husi Prezidente Tribunál Rekursu, Deolindo Dos Santos no hetan partisipa husi ekipa susesu kada kandidatura, inklui mós observadór internasionál sira. (*)