Login to your account

Username *
Password *
Remember Me

Aban, Lú Olo Kontinua Fó Pose ba Membru Governu Foun Na'in-Rua

Prezidente Repúblika (PR), Francisco Guterres ‘Lú Olo’. Prezidente Repúblika (PR), Francisco Guterres ‘Lú Olo’. Foto Suplay

Tempotimor (Dili)-Prezidente Repúblika (PR), Francisco Guterres ‘Lú Olo’, aban, kinta (31/03), sei kontinua fó pose ba membru Governu foun na'in-rua ne'ebé aprezenta husi Primeiru Ministru (PM), Taur Matan Ruak.

“Prezidente Repúblika, Franciso Guterres ‘Lú Olo’, sei fó posse ba membru Governu na’in-rua iha kinta-feira, 31 marsu 2022, tuku 9:30, iha Palásiu Prezidensiál Nicolau Lobato”, dehan komunikadu imprensa ne'ebé www.tempotimor.com asesu, kuarta (30/03).

Ba membru Governu na'in-rua ne'e, Prezidente Repúblika, Francisco Guterres ‘Lú Olo’, liuhusi dekretu Prezidente Repúblika númeru 20/2022, iha loron kuarta (30/3), hala'o ona nomeasaun tuir konstitusionál artigu 106 númeru 2.

Membru Governu na’in-rua ne'ebé sei simupese hanesan Sekretáriu Estadu ba Terras no Propriedade (SETP), Eldino Rodrigues dos Santos no Sekretária Estadu ba Igualdade no Inkluzaun (SEII), Maria do Rosario Fátima Correia.

Liuhusi Dekretu Prezidente Repúblika númeru 19/2022, Prezidente Repúblika deside ezonera, Sekretáriu Estadu ba Terras no Propriedade, Mario Ximenes no Sekretária Estadu ba Igualdade no Inkluzaun, Maria José da Fonseca Monteiro de Jesus, tuir proposta ne'ebe Primeiru Ministru aprezenta. 

Antes ne’e, rezidente Repúblika (PR), Francisco Guterres ‘Lú Olo', liuhusi Dekretu Prezidente Repúblika nomea membru Governu Konstitusionál daualu na’in-haat (4) foun ne’ebé sei simu pose, tersa (22/03), iha Palasiu Prezidensial, Bairopite.

“Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru Governu bazeia ba proposta husi Primeiru Ministru. Tuir artigu 86 alinea h) Konstituisaun Repúblika Demokrátika Timor-Leste hatete katak Prezidente Repúblika mak iha kompeténsia atu nomea, fó posse no ezonera membru Governu, tuir proposta husi Primeiru Ministru”, dehan liuhusi Komunikadu Imprensa ne'ebé www.tempotimor.co  asesu iha segunda (21/03).

Membru Governu na’in-4 ne’ebé hetan nomeasaun husi Prezidente Repúblika mak hanesan Ministru Obras Públika, Abel Pires da Silva, Ministru Justisa, Tiago Amaral Sarmento, Vise-Ministru Finansas, António Freitas, Sekretáriu Estadu ba Assuntus Kombatentes Libertasaun Nasionál, Júlio da Conceição ‘Loro Messak’.

Prezidente Repúblika, Franciso Guterres Lú Olo, sei fó posse ba membru Governu na’in-4 iha loron tersa, 22 marsu 2022, tuku 09.30, iha Palásiu Prezidensiál Nicolau Lobato.

Molok halo nomeasaun ba membru Governu na’in-haat, tuir proposta husi Primeiru Ministru, Prezidente Repúblika liuhusi Dekretu Prezidente Repúblika ezonera Ministru Obras Púbilkas, Salvador Eugénio Soares dos Reis Pires, Ministru Justisa, Manuel Cárceres da Costa, Vise-Ministra Finansas, Sara Lobo Brites, Sekretáriu Estadu ba Assuntus Kombatentes Libertasaun Nasionál, Gil da Costa Monteiro ‘Oan Soru’. (*)

Rate this item
(1 Vote)
Last modified on Wednesday, 30 March 2022 17:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter