Login to your account

Username *
Password *
Remember Me

Ohin, Espoza PR Desloka ba Partisipa SAMEAWS iha Dubai

Espoza Prezidente Repúblika, Cidalia Nobre Mouzinho hetan akompaña husi Prezidente Repúblika, Francisco Guterres Lú Olo iha Aeroportu Komoro atu desloka ba Dubai. Espoza Prezidente Repúblika, Cidalia Nobre Mouzinho hetan akompaña husi Prezidente Repúblika, Francisco Guterres Lú Olo iha Aeroportu Komoro atu desloka ba Dubai. Foto Suplay

Tempotimor (Díli)-Espoza Prezidente Repúblika, Cidália Lopes Nobre Mouzinho Guterres, ohin (20/03) sai husi Timor-Leste ba partisipa The 9th South America-Africa-Middle-Asia Women Summit (SAMEAWS) no selesionadu entre kandidatu sira seluk atu manán Amazon Watch Magazine’s Blue Ribbon Award, hala’o iha Dubai, Uni Emirat Arab, iha 25 Marsu 2022.

Tuir informasaun ne'ebé www.tempotimor.com asesu iha pájina ofisiál gabinete de apoiu a actividade do conjuge do prezidente Repúblika, domingu (20/03) katak, Partisipante ba SAMEAWS mak líder feto husi nasaun oinoin, iha Governu, akademista, investigadór, emprezária, ativista no líder feto senior sira seluk iha mundu.

SAMEAWS halibur hamutuk feto emininente no iha influénsia ho parseiru sira husi rejiaun Amerika Sul, Afrika, Mediu Oriente no Asia ho enfaze ba sira-nia papel krítiku iha futuru ba dezenvolvimentu ekonomia, modelu papel feto eminente ne’ebé diretamente kontribui ba dezenvolvimentu hodi luta hasoru desigualdade ne’ebé feto hasoru atu hetan mudansa tuir sira-nia hakarak.

The 9th South America-Africa-Middle-Asia Women Summit sei hala’o iha Dubai, Uni Emirat Arab, iha 25 marsu 2022.

Nu’udar Espoza Prezidente Repúblika, Cidália komprometidu atu hasa’e oportunidade ba asesu servisu sosiál iha área edukasaun, saúde reprodutiva, protesaun labarik, eradikasaun moras hadaet no haforsa ekonomia feto.

Cidália partisipa ativa iha Organização Popular da Mulher Timor (OPMT) hodi promove ema sipasaun feto. Iha 2011, eleitu nu’udar Sekretária ba Komisaun Nasionál Juridisaun no releitu filafali iha 2016-2021 nu’udar Sekretária ba Komisaun Nasionál Fiskál.

Cidália hetan konvite husi Amazon Watch Magazine no aprezenta nia kandidatura iha novembru 2021 no tuir entrevista online hodi kompete ba prémiu. Hafoin liu prosesu entrevista, Cidália sai kandidatu selesionadu númeru 9 husi país 50 ne’ebé partisipa no sei sai aprezentadora iha eventu ida ne’e.

Entretantu Espoza Prezidente Repúblika sei to’o filafali mai Díli, iha 27 marsu 2022. (*)

Rate this item
(0 votes)
Last modified on Sunday, 20 March 2022 19:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter