Login to your account

Username *
Password *
Remember Me

HAK Kestiona Seriedade Kandidatu PR ba Povu

Diretór Ezekutivu HAK, Sisto dos Santos. Diretór Ezekutivu HAK, Sisto dos Santos. Foto Tempo Timor

Tempotimor (Dili)-Asosiasaun HAK kestiona seriedade Kandidatu Prezidente Repúblika (PR) períodu 2022-20277 ba povu, tanba konfrontu husi apointe iha Baukau no Vikeké to'o apoiante balun mate.

“HAK nota katak kuaze provakasaun sira ne'e haree husi faktu sira ne'ebé akontese ema komfrontu akontese iha Baukau no Vikeké e ema to'o balun lakon nia vida, ita-nia moralmeten, ita-nia kaliber sira la dehan buat ruma ba ida ne'e, HAK kestiona ita-nia seriedade ba povu ida ne'e ka, ba ita-nia hán de'it”, dehan Diretór Ezekutivu HAK, Sisto dos Santos, liuhusi Konferénsia Imprensa iha kna’ar fatin Farol, tersa (15/03).

HAK kestiona eleisaun ne'e nesesidade ba povu ka, eleisaun ne'e ba grupu oan ida ne'ebé hakarak atu ba Aitarak Laran. Tanba molok ba Palásiu Prezidente Repúblika, kuda ona problema iha komunidade nia leet.

“Molok sira ba Aitarak laran, sira rasik kuda on Ai-tarak iha komunidade nia leet, ida ne'e mak Prezidente ba dame? Prezidente ida atu kumu metin ita-nia Unidade?, ka Prezidente atu soran povu ida ne'e, HAK la mentabel tebes tanba kuaze minisípiu sira ne'ebé mak konfrontasaun akontese ne'e, area HAK nian desde uluk", dekalara nia.

Maibé HAK nia apresisaun boot ba kandidatu balun ne'ebé asume ona responsabilidade hodi la abandona nia apoiante balun ne'ebé dadauk ne'e sofre no iha ospitál.

“Ami fó apresisaun boot ba ida ne'e, molok sai prezidente nia iha solidaridade boot ba ema ida ne'ebé mak nia povu ne'e, ami dezafia ne'e ezmplu konkretu ba kandidatu sira seluk”, katak nia.

Bainhira kandidatu ida mak hahú ona ne'e edukasuan popular ida, la presiza ema nia votu, la presiza ema nia lian maibé presiza kuidau ema-nia isin lolon, kuida nia família, ida ne'e mak aman ba nasaun, aman ba puvu no aman ba Estadu.

“Se aman ida ba povu mak iresponsavel ba aktu ida ne'ebé mak nia apoiante sira halo, prezudika ema seluk sai sofre, pois nia ignora tiha, ne'e la'ós aman di'ak ida, ne'e aman iresponsavel, ita hakarak povu Timor ne'e iha aman iresponsavel, ita moe boot, ita rasik halo ita-nia domokrasia sai bulelu tanba ita-nia nakdader sira ne'e mak halo ita-nia palku nakfilak sai palku ne'ebé produtivu, palku ida ne'ebé la'ós saudavel”, Sisto afirma.

HAK sei la temi kandidatu A ka B mais faktu hatudu hela katak, kandidatu balun hatudu hela nia jestu, laiha solidaridade, responsabilidade ba família balun ne'ebé sofre. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter