Login to your account

Username *
Password *
Remember Me

HAK Sei Organiza Diskusaun iha Komemorasaun Loron Konsulta Populár

Konvite ba Diskusaun Popular ne'ebe organiza husi ekipa Yayasan HAK, Konvite ba Diskusaun Popular ne'ebe organiza husi ekipa Yayasan HAK, Foto Suplay

Tempotimor (Dili)-Yayasan HAK sei organiza atividade diskusaun Popular iha komemora 30 Agostu nu’udar loron konsulta Popular Timor-Leste nian ba tinan-23 no loron Internasionál ba ema lakon forsadu iha mundu.

Tuir ajenda ne'ebé www.tempotimor.com husi mídia ofisial HAK, iha loron segunda (29/08) katak, iha diskusaun popular ida-ne'e sei marka prezensa husi oradór prinsipál na'in-2 hanesan Profesór Akilhisa Matsuno no José Luis de Oliveira.

Tema husi diskusaun refere, dahuluk mak polemika segunda guerra Mundial iha Japaun, Koreia, Indonézia inklui Timor-Leste espesialmente kona-ba polítika no konflitu diplomasia entre Koreia no Japaun, Matebian Sinzo Abe nia (latar belakang politik)  no kontraversaun iha UNESCO, selseluk tan, no tema daruak mak Impunidade no Dezafiu luta ba lialoos (Reparasaun ba vítima no família ema lakon forsadu).

Orador Profesór Akihisa Matsuno nu’udar ativista Internasionál ne'ebé mak desde 1982-1983 apoiu ona povu Timor-Leste ninia luta ba ukun rasik-an.

Iha tinan 2002 no 2005 profesór Akihisa MATSUNO hamutuk ho ekipa jurista Feto FOKUPERS ho HAK realiza peskiza naruk kona-ba vítima eskravidaun sexuál ba feto Timor iha tempu okupasaun militar Japaun durante segunda guerra Mundiál iha Timor-Leste.

Purtantu pozisaun Governu Japaun mós dala-barak rezeita no ingnora ho aktu krime sira ne'ebe Militar Japaun halo desde 1942-1945 iha Timor-Portugés.

Ba situasuan ne'e HAK hamutuk ho koligasaun Japaun mai Timor-Leste iha tinan 2012 liuba, kontinua luta ba lialoos no justisa.

Tanba ne'e, diskusaun popular ida-ne'e momentu istóriku ba públiku hodi komemora loron konsulta Popular ba dala-23 no loron Internasionál ba ema lakon forsadu nune'e HAK dezeizu tebes ba ema hotu atu marka prezensa hodi kontinua hamoris espíritu luta ba lialoos no justisa.

Nune'e mós sai nu'udar ema hotu nia afirmasaun ho konsisténsia luta kontra impunidade iha Timor-Leste no mundu.

Ba diskusaun ida-ne'e sei la'o hamutuk ho figura oradór Prinsipál na'in-rua (Aki no Ze Luis) ne'ebé familiar tebes sobre asuntu refere sei partilla ba públiku kona-ba progressu no dezafiu sira iha nível Internasionál, rejionál no nasionál hodi ajuda liután públiku atu kontinua ho dalan posibilidade iha tempu oin mai.

Enkuantu Diskusaun Popular ida-ne'e sei hala'o ho lian-tetun, no sei oferese Kafé no produtu lokál husi tós na'in-sira ho gratuita ba partisipante sira.

Iha Audénsia ida-ne'e sei partisipa husi família vítima, ativista, Organizasaun Naun Governamentál (ONG) sira iha Dili laran, akademista sira, universitáriu sira, belun LGBTI, Organizasaun feto no juventude sira, líder komunitáriu, relijiozu, jornalista sira, belun solidariedade Internasionál, Organizasaun rejisténsia no públiku tomak.

Purtantu Hak hato'o dezeizu boot ba públiku nia presensa, hodi kontinua hametin no hamoris espíritu luta ba dame iha sosiedade no mundu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter