“Iha ema balun dehan bainhira Jose Ramos Horta, karik eleitu, sei provoka krize ruma, ha’u nunka provoka krize, tanba Organizasaun Nasaun Unidu (ONU) sai testamunã, ha’u ho maun Xanana hamutuk bainhira ha’u sei prezidente iha 2007, ami rua rezolve problema krize 2006”, dehan nia iha kampaña loron dahitu, Munisípiu Ainaro, tersa (08/03).

Tanba ne'e, lalika fiar ba polémika ne’ebé dehan, karik eleitu ba Prezidente Repúblika sei hamosu krize foun tanba sei disolve Parlamentu Nasionál.

Maibé, sei konvoka diálogu ho entidade relavante sira durante nia mandatu hanesan Xefe Estadu hodi rezolve krize ho violasaun konstutuisaun ne'ebé mak akontese iha Estadu.

Iha kampaña refere, partisipa husi militante no simpatizante CNRT inklui partidu polítiku sira, no hetan observasaun husi CNE, PDHJ, OIPAS, sosiedade sivíl sira inklui observadór Internasionál. (*)