“Ohin Konsellu Ministru aprova projetu dekretu lei ida husi Ministru Administrasun Estatal (MAE) hodi nomeia señór Domingos Soares sai hanesan Administradór Munisípiu Ataúru”, dehan Ministru Prezidensiál Konsellu Ministru, Fidelis Manuel Leite Magalhães, ba jornalista sira iha Palásiu Governu, hafoin reuniaun Konsellu Ministru, kuarta (09/03).

Ba projetu dekretu lei hodi halo nomeasaun ne'e, aprezenta husi Ministru Administrasun Estatal (MAE), Miguel Perreira de Carvalho, hafoin membru konsellu Ministru sira diskute no tetu hafoin halo aprovasaun.

“Nomeasaun señór Domingos Soares, ba Prezidete Administradór Munisípiu Ataúru ne'e, nia mandatu durante tinan tolu nia laran, hahú husi data simu posse”, afirma nia. (*)