Konsolidasaun ne’ebé halo iha loron sábadu (05/03), Koordenador FRETILIN Suku Bahamori, Estanislau Guterre hatete, atividade konsolidasaun ne'e realiza atu prepara di'ak liután hodi bele hasoru Eleisaun Prezidensial ne'ebé sei tuir mai atu oinsá bele fó Vitoria ba FRETILIN nia kandidatu.
Koordenadór FRETILIN Postu Administrativu Venilale, Basilio Marques. husu ba militante sira husi Badomori atu reafirma nafatin ho FRRTILIN hodi fó Vitoria ba Kandidatura Francisco Guterres ‘Lú Olo’.
Reprezentante Veteranu Badomori, Armindo da Silva ‘Lansari’ hatete, ukun ne'e atu la'o los no di'ak presiza entrega ba FRETILIN, tanba FRETILIN mak liberta Timor-Leste husi kolonializmu.
Liuhusi atividade ne'e, Jose Lucas do Carmo da Silva nu'udar Kandiadatu Membru Comite Central FRETILIN hato'o mós ba militante sira kona-ba FRETILIN nia viabiliza iha mandatu Governu daualu ne'ebé mak ba ho programa no polítika fiksu no klaru.
“Wainhira FRETILIN ba viabiliza Governu ne'ebé mak lidera husi Jenerál Taur Matan Ruak, FRETILIN ba viabiliza Governu ne’e ba implementa duni povu Maubere nia situsaun”, informa José Lucas ne'ebé www.tempotimor.com asesu iha pájina Facebook Isin Maubere, Klamar Maubere-FRETILIN, sábadu (05/03).
Koordenadór Munisípiu Baukau, Abrão de Oliveira husu mós ba kuadru no estrutura atu kumpri partidu nia desizaun, mak militante no kudru sira hothotu vota de’it ba Lú Olo.
Entretantu, Militante Badomori garantia atu Vota ba kandidatura FRETILIN nian, nune'e hothotu Vota ba Kamarada Francisco Guterres ‘Lú Olo’ no garantia sei manan iha primeiru ronde. (*)
