“Razaun saida mak komisáriu sira hotu karak kandidatu Prezidente Lú Olo, tanba primeiru kandidatu Dr. Martinho liuhusi konferénsia ami deside katak nia ba ho bandeira PUDD, na realidade hatudu katak nia ba ho independente, ho ida ne'e mak liuhusi konferénsia estraordináriu komisáriu polítiku hothotu deside katak di'ak liu ita ba buka partidu seluk, duke ba kandidatu ne'ebé mak ita kandidatu ona maibé laiha vantazen di'ak”, dehan nia iha intervensaun iha Kampaña Kandidatu Prezidente Repúblika Lú Olo, iha Kampu Futebol Gor Maliana, sábadu (05/03).
Liuhusi konferénsia mós PUDD deside katak, di'ak liu PUDD ba FRETILIN tanba FRETILIN ne'e hanesan aman, avo ne'ebé durante ne'e sai matadalan ba ukun-an.
“PUDD hanesan joven ida, joven ida ne'ebé moris mai tempu difÍsil hanesan ne'e, hanesan oan presiza ita apoiu ita-nia aman Prezidente Lú Olo hodi ba manÁn vitória sai Prezidente Repúblika”, afirma nia.
Nune'e estrutura PUDD tenke vota ba Prezidente Lú Olo, tenke manán iha primeiru ronde no iha desizaun deside ona katak apoiu totál metin ba kandidatu Prezidente Lú Olo.
Antes ne'e, haree tiha dekretu Prezidente Repúblika N.2/2022 iha 15 janeiru nian kona-ba marka loron eleisaun ba przidente repúblika, mak Martino Germano da Silva Gusmão nu'udar sidadaun orijinál ofisialmente deklara kandita-an ba Prezidente Repúblika períodu 2022-2027.
Molok foti desizaun sai kandidatu ba Prezidente Repúblika, MartinhoGusmão ko'alia, halo diskusaun no halo dissernimentu barak ho partidu lubuk ida.
Husi partidu lubuk ida ba partidu seluk, nia lori nafatin nia idea mai husi forum maibé kona-ba konsensu no kompromisiu. Nune'e ema hothtou dehan haksolok ho Martinho nia hanoin ho vontade atu tama potilik laran.
“Kultura demokrátika nia lala'ok mak nune'e ona, demokrasia pluralista mak ida ne'e duni, partidu ida-daik iha sira-nia dinámika interna. Husi Maiu 2020 to'o ohin loron, ha'u diálogu no dizernimentu polítiku ho partidu sira, hothotu apoiu, maibé PUDD de'it mak halo ona konsensu ho kompromisiu”, hatete nia.
Tanba, la'ós boot ka ki'ik mak halo Martinho laran metin atu sai kandidatu povu nian, ne'ebé PUDD no kompromisiu katak, PUDD lori kandidatu povu nian ba Povu hodi povu hili. (*)
