Login to your account

Username *
Password *
Remember Me

MDVF Deside Apoiu Horta iha Eleisaun Prezidensiál

Movimentu Defisiénsia Vizaun Foun (GMDVF) deklara apoiu ba Kandidatura Prezidente Repúblika númeru Sorteiu 14, José Ramos Horta, iha Tasitolu, uma adat danau 2, sábadu (05/03). Movimentu Defisiénsia Vizaun Foun (GMDVF) deklara apoiu ba Kandidatura Prezidente Repúblika númeru Sorteiu 14, José Ramos Horta, iha Tasitolu, uma adat danau 2, sábadu (05/03). Foto Tempo Timor

Tempotimor (Dili)-Movimentu Defisiénsia Vizaun Foun (GMDVF) fó deside fó apoiu ba Kandidatura Prezidente Repúblika númeru Sorteiu 14, José Ramos Horta, iha eleisaun Prezidensiál.

“Ema hotu iha direitu hodi partisipa parte saida de'it, inklui mós Ema ho Defisiensia (EhD), tanba ne'e GMDVF harii, nia objetivu ema defisiénsia mós iha direitu partisipa iha parte politika, objetivu husi GMDVF halibur malu hamutuk hodi fó apoiu ba Kandidatura númeru sorteiu 14 José Ramos Horta, inklui mós maun boot Kay Rala Xanana Gusmão (JRH ho KRXG)”, dehan Prezidente GMDVF, Gaspar Afonso iha Tasitolu, uma adat danau 2, sábadu (05/03).

Tanba Ema ho Defisiénsia naton de’it iha fiziku, labele iha konsiénsia, fuan no neon Defisiénsia fali, ne'e aat liu, no sira ne'ebé halo hanesan ne'e, sira-nia neon, sira-nia fuan no konsiénsia ne'e Defisiénsia.

Bainhira ukun la'ós ho fiziku maibé ukun ho kapasidade, agora dadaun prepara-an, aprende, labele matenek de’it, maibé hanoin oinsá atu hakuak povu sira.

Portavoz GMDVF, Noe Soares hatete, husi biban ne'e, grupu husi GMDVF deklara sei fó votu ba kandidatu PR períodu 2022 to'o 2027 Josá Ramos Horta.

“Kandidatu ne'ebé mensiona iha leten, mak hetene di’ak liu atu hadi’a situasaun krize instituisionál no krize politiku ne'ebé agora dadaun akontese hela iha ita-nia rain, avo na'in-rua mak bele hatuur fali KRDTL tuir ninia fatin, sira mak hatene liu povu nia moris, bainhira iha tempu susar nia laran, sira bele normaliza situasaun iha rai laran no hamorin fali Timor nia naran iha mundu”, dehan nia.

Ba líder na'in-rua Xanana ho Horta mak bele defende soberania Estadu Timor-Leste nian, tanba bazea ba artigu 40 Konstituisaun Repúblika Demokrátiku Timor-Leste, ema hotu iha diretu ba liberdade ko’alia, no iha diretu atu hetan informasaun ruma, ho informasaun loloos nian, liberdade ko’alia no informasaun ninian, labele hetan limitasaun no sensura ruma.

Enkuantu Artigu 47 dehan nune'e, sidadaun hothotu ho tinan 17 ba leten, iha diretu atu hili no iha diretu hodi ema hili nia, hala'o diretu sufrajiu ne'e katak, kona-ba ema ida-idak, hanesan dever siviku ida. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter