Ho aktu ne’ebé ekipa Susesu Kandidatu husi partidu Frente Revolusiónari Timor-Leste Independente (FRETILIN) nia kampaña iha Minisípiu Bobonaro, ko'alia liafuan pasadu hodi Insulta kandidatu sira seluk no apoiante kandidatu seluk nian.

“Ha'u hanoin kampaña ne'e la'o ho di'ak, soke ohin ita hothtou akompaña iha ne'e, daluruma sira-nia ekipa susesu ne'ebé sai hanesan juri kampaña, sira iha liafuan ne'ebé insulta malu, e iha liafuan balun sira ko'alia akontese iha pasadu, ohin sira fó sai iha ne'e, ida ne'e mak ha'u sente hanesan supervizaun, ami triste oituan ho intervensaun, tanba buat ne'ebé la merese sira atu ko'alia iha palku polítika hanesan kampaña eleitorál, sira ko'alia, sira ko'alia mesak tarata malu”, dehan nia iha kampu Futebol Ginajiu Maliana Vila, sábadu (05/03).

Tuir lolos ekipa susesu sira ko'alia buat ne'ebé tau ona hanesan programa no kumpromisiu saida mak sira atu halo, wainhira kandidatu ida ninia direitu sai hanesan Prezidente Repúblika, maibé materia kampaña ne'e ko'alia kona-ba asuntu trata malu de'it.

“Sim, sira la ko'alia kumpromisiu, ohin ko'alia istória pasadu ne'ebé problema nian, sira insulta hanesan ohin, e ami alista ami sei informa ba ami-nia direjente sira para haree asuntu ida ne'e”, informa nia.

Ofisiál Prokuradória Direitu Umanu no Justisa (PDHJ) monitorizasaun ba eleisaun prezidensiál, Antonio da Costa informa, PDHJ haree kona-ba asuntu sira hanesan, kampaña tenke tuir regra husi CNE no STAE nian, regra hanesan tama tuir oráriu, labele insulta malu, entre kandidatu ida ba kandidatu seluk.

"Ohin ami mai tarde oituan, laharee kona-ba líder FRETILIN nia balun ko'alia insulta malu, maibé tuir PDHJ nia haree durante kompaña partidu FRETILIN nian kandidatu nia diskursu di'ak, oinsá mak nia atu halo bainhira sai Prezidente Repúblika”, hatete nia. (*)