“Estadu ne'e tenke la'o ho revolusaun dinámika ida atu rekonstrui fali Estadu foun, atu halo antiteze ida ba Estadu Repúblika Demokrátika Timor-Leste ne'e, mak Estadu Neo-solidáriu”, dehan Antero Bendito iha kampus FCS-UNTL, Kaikoli, tersa (23/02).
Tanba Valór lisan Timor nian, valór natureza proteje ambiente ekolojia no valór umanidade katak ne'e prezerva iha Konstitusaun, lei barak inklui deklarasaun direitu umans, tenke tau dignidade umanu as liu hanesan Estadu, oinsá proteje lisan kultura nia prátika kultura sosiál iha sosiedade sira.
“Iha ami-nia konseitu mak Estadu Neo-solidáriu, iha 2004, ha'u ba Vietname mai fali ha'u aprezenta opsaun rua, husi rezultadu viajen 2001, opsaun rua ne'ebé ha'u hato'o ba planu estratejiku dezenvolvimentu nian mak ne'e, Estadu sosialista real no neo-liberál”, esplika nia.
Tanba Estadu Neo-solidáriu ne'e iha prinsípiu rua, umanidade no kuidade natureza, ne’e hanesan prinsípiu báziku liu, presiza Estuda mós sosialista real.
“Saida mak ami hakarak uza mak Estadu Neo-solidáriu, ne'e hanesan plataforma ida ne'ebé prezidente bele hato'o ba Premeiru Ministru no Parlamentu Nasionál, para provoka debate diálogu instituisionál hanesan separasaun poder, nia labele halo fali servisu ezekutivu nian”, dehan nia. (*)