Tempotimor (Dili)-Koordenadora Jerál Surtu Covid-19, Odete da Silva Viegas informa, Ministériu Saude (MS) iha loron sábadu (12/02), rejista kazu Covid-19 foun hanutuk 155 no rekuperadu na'in-31.
“Kazu detetatu foun ne’ebé relata ohin, loron 12 fulan-fevereiru tinan 2022 ema na'in-155 (Request Test, Contact Tracing, Vijilánsia Sentinela, Pedidu Viajen ba Rai liur, no Viajen mai husi Rai liur “teste iha Aeroporto”), kazu rekuperadu 31", dehan nia liuhusi Komunikadu Imprensa, www.tempotimor.com, asesu sábadu (12/02).
Totál kazu ativu 1416, totál kazu konfirmadu kumulativu iha 12 fulan-fevereiru tinan 2022 (sura husi 21 Marsu 2020): 21556, óbitu 0 (Zero).
Husi horiseik mai ohin, Laboratóriu Nasionál Saúde (LNS) halo 444 testes PCR iha Dili, ho detalla hanesan Vijilánsia sentinela 12, Rastreiu ba kontaktu (Contact tracing) 315, Rastreiu Aleatóriu (Random Screening) 117, Viajen internasionál 0, follow up iha kuarentena 0.
Rezultadu testes PCR ne’ebé halo horiseik, iha Munisípiu sira seluk , REAOA ho HNGV, hamutuk 159 ho detalla hanesan tuir mai Baukau 10, Ermera 0, Bobonaro 6, Maubisse 0, RAEOA 32, Covalima 16, Vikeké 0, Lautein 0, HNGV 95, Vera Cruz 0.
Totál teste PCR iha oras 24 ikus 603 hatudu taxa pozitividade 11,8 (iha semana kotuk, 05 fevereiru, taxa pozitividade pursentu 6,7). (*)
