“Kazu detetatu foun ne’ebé relata ohin, loron 13 fulan-fevereiru tinan 2022, na'in-75 (request test, contact tracing, vijilánsia sentinela, pedidu viajen ba rai liur.), kazu rekuperadu 45 no totál kazu ativu 1.445”, dehan Odete liuhusi Komunikadu Imprensa, ne’ebé www.tempotimor.com, asesu domingu (13/02).

Totál kazu konfirmadu kumulativu iha 13 fevereiru tinan 2022 (sura husi 21 Marsu 2020) hamutuk 21.631, total óbitu 1 (Ida). Pasiénte mane ho idade 78, hela fatin iha Dili, tama izolamentu Lahane iha loron 08 fevereiru 2022 ho DX: Covid-19 (CT 20,6) + TEP. Hakotu iis Ohin loron 11:25 dader oras timor-leste, Matebian la simu vasina.

Husi horiseik mai ohin, hamutuk hotu Laboratóriu Nasionál Saúde (LNS) halo 266 testes PCR iha Dili, ho detalla hanesan vijilánsia sentinela 1, rastreiu ba kontaktu (contact tracing) 77, rastreiu aleatóriu (random screening) 105, viajen internasionál 78 no follow up iha kuarentena 5.

Rezultadu testes PCR ne’ebé halo horiseik, Munisípiu sira seluk REAOA ho HNGV, hamutuk 103 ho detalla hanesan Baukau 5, Ermera 0, Bobonaro 9, Maubisse 0, RAEOA 0, Covalima 4, Vikeké 0, Lautein 0, HNGV 85 no Vera Cruz 0.

Totál teste PCR iha oras 24 ikus 369 hatudu taxa pozitividade 5,7 (iha semana kotuk, 06 fevereiru, taxa pozitividade pursentu 5,7). (*)