Login to your account

Username *
Password *
Remember Me

Governu Simu Vasina PfIzer Doze 100,620 Husi EUA

Governu Timor-Leste liuhusi Ministériu Saúde simu vasina Covid-19 Pfizer BioNTech hamutuk doze 100,620 husi Estadu Unidu Amerika (EUA). Governu Timor-Leste liuhusi Ministériu Saúde simu vasina Covid-19 Pfizer BioNTech hamutuk doze 100,620 husi Estadu Unidu Amerika (EUA). Foto Suplay

Tempotimor (Dili)-Governu Timor-Leste liuhusi Ministériu Saúde simu vasina Covid-19 Pfizer BioNTech hamutuk doze 100,620 husi Estadu Unidu Amerika (EUA) liuhusi Fasilidade COVAX.

Vasina Pfizer BioNTech ne’ebé simu iha loron sábadu (12/02) sei uja atu vasina labarik-sira idade entre 12 no antes 18 nomós ba doze booster, tuir desizaun husi Governu Timor-Leste.

“Kontribuisaun husi Governu Estadus Unidu liuhusi COVAX sei apoia tebes Timor-Leste hodi kontinua vasina ema hotu ho idade 12 ba leten, no reduz risku husi kazu todan no ospitalizasaun”, dehan Ministra, Saúde, Odete Maria Freitas Belo liuhusi Komunikadu Imprensa, ne’ebé www.tempotimor.com sesu sábadu (12/02).

Solidariedade ne’ebé mak parseiru COVAX hatudu ona iha ezemplu di'ak, liliu iha tempu ida ne’ebé mak sira-nia nasaun rasik barak mak hetan impaktu maka’as husi Covid-19 no evolusaun variante hanesan Omicron.

Distribuisaun ne’e, lori kontribuisaun Estadu Unidu ba Timor-Leste ba totál vasina Pfizer hamutuk doze 201, 240 liuhusi fasilidade COVAX.

“Estadu Unidu hamrik hamutuk ho Timor-Leste hanesan amigu no parseiru diak wainhira ita serbisu hamutuk atu kombate COVID-19", informa Ministra Odete.

Enkarregadu Negósiu EUA iha Timor-Leste, Tom Daley hatutan, kontribuisaun vasina Pfizer hamutuk doze 201,240 hanesan sira-nia kumpromisiu atu apoiu Governu nia esforus atu salva sidadaun Timor-Leste husi Covid-19.

“Kontribuisaun ohin loron refleta ami nia kompromisu atu apoia Governu nia esforsu atu salva moris iha Timor-Leste. Ami orgullu atu halo vasina ne’e disponível to’o pandemia ne’e nia rohan no rekupera fali ekonomia”, dehan nia.

COVAX, pilar vasina husi Acelerador de Acesso às Ferramentas COVID-19 (Inglês: Access to COVID-19 Tools (ACT) Accelerator), mak ko-lideradu husi Koaligasaun ba Inovasaun Preparasaun Epidemia (Inglês: Coalition for Epidemic Preparedness Innovations (CEPI), Gavi, the Vaccine Alliance (Gavi), no Organizasaun Mundial Saúde (OMS), iha parseria ho UNICEF hanesan parseiru implementador, nune’e mós ho organizasoins sosiedade sivíl sira, fabrikante vasina sira, Banku Mundial, no seluk tan.

COVAX Advance Market Commitment (AMC) alkansa ona resposta multilateral ida ba Krize pandemia, utiliza esperiénsia husi ajénsia multilateral sira, rekursu husi doador sira no kompromisu husi nasaun sira ne’ebé mak simu, hodi apoia asesu global ne’ebé mak justu ba vasina Covid-19.

Ho kontribuisaun billaun $4 atu sosa vasina no ninia distribuisaun, Estadu Unidu mak sai hanesan doador boot liu ba Fasilidade COVAX.

Hahú husi inisiu pandemia, Estadu Unidu serbisu hamutuk ho Governu Timor-Leste atu fornese vasina no liu millaun $5.9 ba asisténsia krítiku hodi luta kontra Covid-19.

Parseiru COVAX apoia ona governu-sira ho ninia parseiru sira iha mundu tomak atu prepara ba no implementa kampaña vasinasaun Covid-19.

Iha Timor-Leste, UNICEF ho OMS mak apoia Governu Timor-Leste hodi realiza planu nasional ba implementasaun vasinasaun.

Fasilidade COVAX no fornesimentu vasina apoiu husi generosu finansiamentu husi Governu Austrália, Bhutan, Kanada, Kolombia, Repúblika Korea, Kuwait, Japaun, Monako, Nova Zelándia, Qatar, Saudi Arábia, Singapora, Ekipa Europeia, Reinu Unidu, Estadu Unidu Amérika no doador no organizasaun balun ne’ebé apoia. (*)

Rate this item
(0 votes)
Last modified on Saturday, 12 February 2022 19:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter