“Kazu Covid-19 nian ita iha aumentu, ne'ebé agora ita baixa hela pasiénte mais de 20 pessoas iha óspital Lahane, ida ne'e ita seidauk dehan omicron, maibé bainhira laboratóriu halo teste nia rezultadu karateristik ne'e inklina liuba omicron, hanesan ne'e”, esplika Ministra Odete hafoin partisipa reuniaun daruak komisaun interministeriál ba adezaun organizasaun munidiál komérsiu iha ótel Novo Turismo Lesidere, tersa (08/02).
Maske Covid-19 aumenta kada loron maibé sei la aplika konfinamentu obrgatóriu, tanba antes ne'e Prineiru Ministru, Taur Matan Ruak hatete sei la aplika tan konfinamentu obrigatóriu.
“Primeiru Ministru hatete tiha ona laih loockdown, ema hothotu tenke ba simu vasina, tenke vasina hasoru Covid-19 laiha tan halimar ho loockdown”, informa nia.
Maibé iha situasaun balun bainhira afeta ema nia moris, Ministériu Saúde sei aplika konfinamentu obrigatóriu iha área balun bazea ba lei balun ne'ebé aprova ona iha Parlamentu Nasionál.
“Iha situasaun balun kaundu afeta ema nia moris, Ministériu Saúde liuhusi lei ne'ebé foin lalais aprova, ita iha dalan para bele halo konfinamentu obrgatóriu iha área balun”, haktuir nia.
Enkuantu kazu detetadu foun positivu Covid-19 ne’ebé relata iha loron 07 fevereiru 2022 ema na'in-98 (request test, contact tracing, vijilánsia sentinela no pedidu viajen), kazu rekuperadu 19, totál kazu ativu 611 no óbitu (mate) zero (0). (*)
