Login to your account

Username *
Password *
Remember Me

MS Aviza Pasiénte Tenke Tuir Orientasaun Dirijente Ospitál

Ministra Saúde (MS), Odete Maria Freitas Belo. Ministra Saúde (MS), Odete Maria Freitas Belo. Foto Tempo Timor

Tempotimor (Díli)-Ministra Saúde (MS), Odete Maria Freitas Belo, aviza ba pasiénte sira ne’ebé baixa hela iha ospitál ka klínika sira tenke tuir orientasaun Dirijente sira iah ospitál, tanba mudansa fatin ne’ebé halo pasiénte sira laiha direitu atu rejeita.

“Ha'u hanoin pasiénte laiha direitu hakarak ka lakohi, ha'u hakarak deklara iha ne'e, la'ós pasiénte mak manda fali, ne'e sala boot ona, ne'e ita halo buat sala, Diretór mak manda, ha'u hakarak tau ha'u-nia pasiénte iha ne'ebé”, deklara Ministra Odete ba jornalista sira iha Rezidénsia ofisiál PM Taur Matan Ruak, Faról, tersa (08/02).

Tanba bazeia ba akontesimentu iha Ospitál Nasionál Guidu Valadares iha pasiénte balun ne'ebé mak Diretór saúde sira muda ba fatin seluk maibé pasiénte rasik lakohi koopera ho dezisaun sira iha parte Diretór Saúde iha HNGV nian.

Tuir informasaun ne'ebé www.tempotimor.com susesu katak, pasiénte refere lakohi simu dezisaun husi Ekipa saúde sira ne'ebé atu muda pasiénte sira husi fatin ida ba fatin seluk iha HNGV.

Haree ba pasiénte ne'ebé barak liu iha ospitál ida tenke halo tuir Diretór ka Jestór saúde sira ne'ebé lidera kada klínika ka ospitál sira liliu Ospitál Nasionál Guidu Valadares (HNGV).

“Ita imajina, se pasiénte na'in 10 mak ida hakarak ida-idak, seluk hakarak ida, ne'e sá jestaun mak hanesan ne'e, jestaun la'ós hanesan ne'e, ne'ebé ha'u lakohi atu rona”, afirma nia.

Pasiénte sira bele kritika bainhira pesoál saúde sira halo atendimentu ba la di'ak no laiha fatin inklui mós ai-hán sira, maibé kona-ba mudansa pasiénte laiha direitu.

“Krítika bainhira kuandu ami fó atendimentu la di'ak hahán la di'ak ai-moruk la iha toba fatin iha rai bele protesta ida ne'e laiha problema maibé atu muda ba ne'ebé ne'e jestaun diretór sira-nian”, haktenik nia.

Tanba ne'e mak Ministériu Saúde husu ba públiku liliu pasiénte sira atu kontribui hodi nune'e hakotu moras sira ne'ebé mak da'et ona iha Timor-Leste.

“Kestaun Surtu ita tenke kontribui ba malu, labele dehan lakohi, laiha dehan lakohi, pasiénte la'ós atu mai jere ospitál ne'e, maibé mak Diretór halo jestaun ba ospitál”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter