“Hakarak hato’o katak ema ne’ebé tama husi Estranjeiru ho Vasina dala rua (2) ka kompleta, hein depois 48 oras teste PCR nagativu mak foin bele la’o livre, no ba sira ne’ebé Vasina dala 1 ou la kompleta nomós ba sira ne’ebé seidauk Vasina sei hala’o kuarentena to’o 14 dias hafoin teste PCR negativu mak foin sai no la’o livre”, dehan Odete liuhusi komunikadu ne’ebé www.tempotimor.com asesu iha loron domingu (06/02).

Maske iha loron 30 setembru 2021, Governu hakotu ona serka sanitária iha Munisípiu Dili. Nune’e, sidadaun sira bele ona sirkula livremente sai/ka tama Munisípiu Dili, maibé tenke nafatin kupri regra prevensaun & ijiéne pesoál hanesan uza máskara, fase liman bebeik ho bé no sabaun ka ho dezinfetante ruma, mantein distánsia mínimu metru ida ho balun, evita halibur malu barak.

Tanba ne’e, Estadu Timor-Leste deside hodi hakotu Estadu Emerjénsia iha territóriu laran to Mak iha loron 28 Novembru 2021.

Ho ida ne’e husu ba sidadaun sira wainhira sente moras isin-manas, mear, kakorok moras ka sintoma seluk tan, bele ba konsulta iha Sentru Saúde ka ospitál ne’ebé besik, atu bele halo swab.

Wainhira sente katak sai kontaktu-besik ba ema ruma ne’ebé detetau pozitivu ona, no seidauk hetan kontaktu husi ekipa konjunta saúde bele mós liga ba númeru 119 ka tesponsável vijilánsia Epidemiolojia ho númeru 78234000 atu organiza oin sá foti swab. (*)