"Iha Munisípiu Manatutu inseguransa ai-hán pursentu limanolu-reain-ida (51%) ne'e siknifika katak loron ida hán dala ida de'it balun hán dala rua de'it dalaruma la hán refeisaun entaun ida ne'e preokupasaun ita-nian”, dehan Taur iha Kampu Aiteas Manatutu iha ámbitu diálogu komunitáriu, kinta (06/01).

Enkuantu má-nutrisaun iha Munisípiu Manatutu sa'e pursentu 46.7 (46.7%), tanba iha Timor-Leste nutrisaun sa'e pursentu 47.1 (47.1%) ne'e dezafiu oinsá mak atu rezolve.

"Ita hatene Governu tau importánsia ba ema, uluk ita funu hodi ema manán funu, uluk ita morteru laiha tanque da Guerra laiha fa'an ema hodi manán funu" afirma nia.

Nune'e mós labarik sira ne'ebé mak isin krekas iha Timór ne'e tun pursentu 6.5 (6.5%) ne'ebé hatudu rezultadu ne'ebé di'ak.

"Ida todan liu, ne'e iha Manatutu di'ak tanba iha pursentu 0.1 ita tenke mantein ida ne'e no ita hatun ida sa'e sira ne'e", hatete nia.

Tanba atu halo dezenvolvimentu oinsá mak Governasaun ida presiza ema, maske iha nian ida osan barak mak laiha osan sira ne'e sei la folin.

"Ema, forsa, enerjia, badinas iha vizaun, iha vontade ne'e mak bele transforma, entaun ita-boot sira saúde di'ak ha'u kontente”, haktenik nia. (*)