Login to your account

Username *
Password *
Remember Me

MS Sei Muda Pasiénte Balun Husi HNGV ba Izolamentu Vera Cruz 

Sentru Saúde Vera Cruz. Sentru Saúde Vera Cruz. Foto Suplay

Tempotimor (Dili)-Ministériu Saúde (MS) deside sei muda pasiénte balun husi Ospitál Nasionál Guidu Valadares (HNGV) ba fatin izolamentu Covid-19 iha Sentru Saúde Vera Cruz hodi bele reduz númeru pasiénte iha HNGV tanba fatin la sufisiénte ona.

“Ita iha ospital Vera Cruz ne’ebé mak ita prepara ba Covid-19 mamuk hela, depois ita mós iha konstrusaun ida iha sorin, ne’ebé mak ami atu uza, prontu ami organiza pasiénte balun ba ne'eba”, deklara Ministra Odete Belo iha Palásiu Governu, kuarta (05/01).

Dadauk parte ministériu saude hala'o ona koordenasaun ho HNGV no servisu saúde Munisípál Dili, atu bele prepara kondisaun hodi bele muda pasiénte balun ne'ebé la'ós tratamentu espesifiku iha HNGV.

"Ohin ha'u koko atu komunika diretór ezekutivu HNGV, nomós diretora saude munisipiu Dili nian, agora sira iha hela preparasaun atu sira bele haree fatin iha Formoza, tanba iha Formoza rasik mós sira halo hela tratamentu ba pasiénte dengue nian, agora fatin seluk ne'ebé mak ita hakarak haree hakarak lakohi ne'e mak Vera Cruz”, informa nia.

Maske sentru saúde Vera Cruz Governu utiliza ba pasiénte Covid-19 maibé provizoriamente mamuk hela entaun presiza muda pasiénte balun ba baixa iha ne'eba.

"Depois ita hein, karik Covid ne'e mai prontu ita buka meiu halo nusa, atubele hamamuk fatin ne'eba, maibe provizoriamente tenke buka ona ba pasiénte sira tanba kazu dengue aumenta”, afirma nia.

Ba situasaun ne'e, parte Ministériu Saúde laiha meiu seluk, karik iha hanoin ruma dehan aumenta kama no aumenta fatin, entaun ida ne'e presiza mós rekursu umanu. (*)

Rate this item
(1 Vote)
Last modified on Thursday, 06 January 2022 11:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter