Login to your account

Username *
Password *
Remember Me

MS Hahú Lansa Fatuk Dahuluk Ba Konstrusaun ICU iha Ospitál Baukau

Embaixadór EUA, Thomas Daley hamutuk ho reprezentante Ministériu Saúde no ékipa servisu saúde Baukau halo hela lansamentu fatuk dahuluk iha resintu HoREX, sesta (10/12). Embaixadór EUA, Thomas Daley hamutuk ho reprezentante Ministériu Saúde no ékipa servisu saúde Baukau halo hela lansamentu fatuk dahuluk iha resintu HoREX, sesta (10/12). Foto Tomas Freitas

Tempotimor (Baukau)-Ministéiru Saúde (MS) hamutuk ho Embaixadór Estadus Unidus Amérika (EUA) ba Timor-Leste hahú halo ona lansamentu fatuk dahuluk ba konstrusaun Unidade Kuidadu Intensivu (ICU) foun iha Ospitál Rejionál Eduardo Ximenes (HoREX-sigla portugues) Munisípiu Baukau.

Xefe Kontrolu Kualidade no Komunikasaun Sosiál HoREX Baukau, Claudino Ximenes senti kontenti, tanba EUA liuhusi MS responde ona pesoál saúde sira nia mehi.

Tanba, iha loron-10 fulan-dezembru tinan 2021 reprezentate MS ho Embaixadór EUA ba Timor-Leste, Thomas Daley lansa ona fatuk dahuluk ba konstrusaun.

"ICU ne'e, mehi inisiu kedas bainhira HorEX harii, tanba ospitál ne'e, statu rejoinál hodi atende iha rejiaun Leste nian, ami halo proposta desde tinan 2017 ba Ministru Saúde buka doasaun ruma atu harii lakonsege, tanba ne'e Ministru Saúde nafatin koopera ho Embaixadór Amérika iha tinan kotuk sira mai finaliza dezeñu, ohin hanesan realiza ona," dehan Claudino, sesta (10/12).

Tanba, durante pasiente sira ne'ebé kritiku husi Munisípiu Lautém, Manatutu, Vikeke inklui Baukau transporta hotu ba Ospitál Nasionál Guidu Valadares (HNGV), tanba menus fasilidade hanesan mós fatin ICU ne’ebé laiha.

Maibé, ho konstrusaun ne'ebé dadaun hahú ona ne’e remata, bele fasilita ona pesóal saúde hodi halo atendementu ba pasiente sira hotu.

Nune'e, Embaixador EUA ba Timor-Leste, Thomas Daley mós hato’o obrigadu ba Governu Timor-Leste liuhusi MS ne’ebé sai parseria forte iha luta hasoru pandemia Covid-19 no bele hahú rekuperasaun ekonómika no harii futuru seguru no prospéru liután ba sidadaun hotu-hotu.

“Kontribuisaun ne’e, reprezenta kompromisu Estadus Unidus nian hodi hamrik hamutuk ho ami-nia parseiru Timoroan sira, enkuantu ita hamutuk luta hasoru Covid-19”, dehan nia

Apoiu ne’e, Estadus Unidus fó hanesan kontribuisaun ida ne’ebé iha Fulan-Setembru tinan 2021 anunsia ona asisténsia adisionál tokon US$2.3 hodi ajuda Timor-Leste luta hasoru Covid-19 no haforsa seguransa saúde, inklui harii fasilidade saúde ba salva vida nian.

Fundu ne’e, fornese hosi misaun EUA iha Timor-Leste liuhusi USAID no Komando Indo-Pasífiku liuhusi kolaborasaun Korpu ba Paz.

"Apoiu finanseiru Estadus Unidus nian ne’e sei ajuda konstrui fasilidade izolamentu iha Baukau, kontrui kapasidade ICU inklui fornese unidade ICU móvel ida ba Ospitál Nasionál Guido Valadares no fornese bee moos ba iha fasilidade Kuarantena Batugade nian", Thomas akresenta  

Alende-ne'e, durante pandemia EUA servisu hamutuk ho Governu Timor-Leste hodi fornese vasina Pfizer hamutuk 100,000 resin no osan liu tokon US$5.9 iha asisténsia importante hodi luta hasoru Covid-19.

Enkuantu, konstrusaun foun ba ICU ho medida 12x9 ne’ebé kompostu husi sala-4 ne’e, tuir planu hahú iha semana-oin no sei finaliza iha inisiu tinan-2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter