Login to your account

Username *
Password *
Remember Me

Marcelo Husu Profesionál Saúde Kuidadu Edifisíu ICU iha HoREX Baukau

Diretór jeral kooperativu Ministériu Saúde (MS), Marcelo Amaral ko’alia hela ba media sira iha Baukau, sesta (10/12). Diretór jeral kooperativu Ministériu Saúde (MS), Marcelo Amaral ko’alia hela ba media sira iha Baukau, sesta (10/12). Foto Tomas Freitas

Tempotimor (Baukau)-Diretór jeral kooperativu Ministériu Saúde (MS), Marcelo Amaral husu profesiónal saúde Baukau atu kuidadu edifisíu Unidade Kuidadu Intensivu (ICU) ne'ebé apoiu husi Embaixadór Estadus Unidus Amérika (EUA) liuhusi Ministéiru da Saúde (MS) atu konstrui iha Ospitál Referal Eduardo Ximenes (HoREX) Baukau.

"Dezafiu ba ita mak kapasidade manutensaun, la'os ba setór saúde de'it, maibé hotu-hotu, konstrui estrada, merkadu, fasilidade públiku seluk manutensaun ladi'ak la kleur aat ona, espera katak konstrusaun ICU ida-ne'e manutensaun di'ak, nune'e bele utiliza tinan naruk, se la'e hari'i tiha tinan-2 to'o 3  Sr.embaixadór mai haree fali kodisaun ladi'ak ne'e, laduun di'ak", dehan  Marcelo sesta (10/12).

Dadaun, parte Ministériu Saúde kontinua elabora hela mekanismu atu hadi’a kualidade servisu, tanba ne'e presiza estandariza Servisu Ospitál ho sasukat kualidade di'ak ne’ebé presiza iha apresiasaun no sastisfasaun husi komunidade no institusaun garante kualidade sira hanesan iha Rejionál no Internasionál.

Dirijentes MS ne'e akresenta, konstrusaun ICU iha HorEX Baukau husi governu EUA atu fasilita servisu atendementu ba pasiente kritiku sira iha sentru Leste ne'ebé durante ne'e tenki transporta ba Ospital Nasionál Guido Valadares (HNGV-sigla Portugés) Dili.

"Normalmente iha sosiedade seidauk rezolve problema hotu-hotu, maibé problema seluk ne'ebé bele rezolve la presiza tan transporta ba Dili", nia hatete

Nia konsidera durante ne'e, EUA komitmentu no konsistente kontinua apoia Timor-Leste iha área saúde, hahú kedas inisiu ukun-aan hanesan konstrui fasilidade saúde no fortalesementu sistema saúde.

Komprimisiu EUA liuhusi agénsia USAID dadaun-ne'e ajuda fortalesementu sistema saúde ho durasaun tinan ho objetivu hadia sistema saúde iha Timor-Leste.

Enkuantu, lansamentu fatuk dahuluk ne'e, tuir planu sei hahú konstrusaun iha semana-oin no sei finaliza iha inisiu tinan 2022 ho medida 12x9 ne’ebé kompostu husi sala-4. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter