Login to your account

Username *
Password *
Remember Me

Mota Lori Lakon Avo Ida iha Área Lalala-Bagia

Sasán husi Avo Paulina Ximenes ne’ebé mota lori iha área Lalala, Suku Larisula, Postu Administrativu Bagia, Munisípiu Baukau, Sasán husi Avo Paulina Ximenes ne’ebé mota lori iha área Lalala, Suku Larisula, Postu Administrativu Bagia, Munisípiu Baukau, Foto Suplay

Tempotimor (Baukau)‐Udan ne'ebé akontese iha loron-9 fulan-dezembru tinan-2021, kauza mota boot konsege lori lakon avo Paulina Ximenes (60) iha área Lalala, Suku Larisula, Postu Administrativu Bagia, Munisípiu Baukau.

Adminisitradór Postu Administrativu Baguia, António Ramos liuhusi telefone informa, vítima Paulina ho nia bei-oan ba Irabere, Uatukarabau, nune'e iha loron-9 fulan-dezembru tinan-2021 fila husi área Irabere mais ou menus tuku 3:00 lokraik atu hakur mota iha área Lalala, maibé avô ne'e la konsege hakur mota, nune'e mota lori.

"Sira tama tiha laran mak mota tuun entaun bei-oan ne'e konsege halai sai avô ne'e la konsege entaun mota lori”, dehan António ba www.tempotimor.com, sesta (10/12).

Husi akontese ne'e, iha parte loraik família sira husi vítima hamutuk ho Autoridade lokál no komunidade sira buka no ohin, loron sesta, (10/12) nafatin buka tuir, maibé seidauk hetan.

Xefe Suku Larisula, Mario de Jesus Ximenes hatete, klaru mota lori lakon avó feto ida iha mota Larisula, tanba ne'e dadaun familia Vítima apoiu husi autoridade lokal no komunidade sira iha Suku Larisula hamutuk ho parte seguránsa PNTL eskuadra Baguai no Bombeiru Baukau.

Ho ida ne'e nia parte seida'uk bele fó komentáriu kronololojia lolós ba mídia, tanba sei iha prosesu buka tuir.

Entertantu ano ne'e husi Aldeia Bibida'e, Suku Larisula Postu Administrativu Baguai, Munisípiu Baukau. (*)

Rate this item
(3 votes)
Last modified on Friday, 10 December 2021 14:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter