"Kona-ba sira ne’ebé mak ho idade 18 liu, 76,4% mak simu ona pelumenus doze ida no 51% husi populasaun maka kompleta ona vasinasaun doze daruak, maibé ita kontinua esforsu to'o metas pursentu 80 se liu to'o pursentu 100 ida ne'e di'ak liután”, dehan Fidelis ba jornalista sira iha palásiu Governu, kinta (11/11).

Vasinasaun joven sira ho idade entre tinan 12 to’o 17 hahú ona iha loron 27 fulan-outubru no to’o loron 10 fulan-novembru, joven sira ne’ebé mak simu ona vasina doze dahuluk ho totál joven na’in-15.002 ho idade 18 maikraik.

Munisípiu tolu ho presentajen vasinasaun boot liu mak munisípiu Kovalima (93%), Vikeké (90,7%), no Dili (83,4%). Munisípiu sira ho persentajen vasinasaun ki’ik mak munisípiu Ermera (59,8%), Likísa (63,1%) no Bobonaru (63%). (*)