"Neste momentu ekipamentu sira ne'e ami sei rai hela iha klínika, tanba kondisaun fatin la du'un vaforese para atu halo instalasaun, tanba nia medida ne'ebé laiha espasu para halo agurda ba ekipamentus sira ne'e”, informa Nuno iha nia kna'ar fatin HoREX Baukau, kinta (11/11).
Ho ekipamentu ne’ebé apoiu kompletu atu atende pasiénte sira ne'ebé mak kada loron halo konsulta ba moras matan nian, maibé fatin la sufisiente.
Tanba medida sala klo'ot, no ekipamentu hirak ne’e seidauk utiliza hodi atende pasiénte sira husi Munisípiu 3 inklui Manatuto sorin.
Husi ekipamentu ne'ebé mak doadór apoiu bele konsulta matan, halo operasaun ba matan nian iha de'it ona HoREX Buakau, maibé seidauk halo instalasaun, nune'e sei atende de'it ba kazu emerjénsia sira ne'ebé presiza halo sirurjia.
Dala barak pasiénte moras matan atu halo operasaun, ulitiza fali sala operasaun husi espesialista seluk, maibé entermu ekipamentu ba konsulta moras matan, kompletu, maibé fatin konsulta matan mak sai problema nune'e atendementu mós seidauk másimu.
"Ekipamentu ne'ebé seidauk instala ne'e ba biometriku atu halo preparasaun ba pasiénte operasaun, nomós iha bioskoop balun ne'ebé nesesíta iha klinika ne'e atu monta para bele haree diagnóstiku di'ak liután”, esplika nia.
Iha Klinika Matan HoREX dala barak simu pasiénte ho volume barak hanesan iroriafaktivu haree do'ok no besik la mós, katar, nomós kona husi soldadór.
Klinika Matan mós hetan apoiu ekipamentu doadór sira husi ETEP, RACS, Fred Hollow FNZ, Australia Aid inklui sentru Sentru Matan Nasionál.
Entertantu, pesoál saúde ne'ebé mak atende pasiénte moras matan nian, hamutuk na’in-7 inklui autonom lojistika ida. (*)