Ho totál óbitu Covid-19 iha loron ida nia laran hamutuk na'in-5, ne'ebé kompostu husi sidadaun adultu na'in-2 no bebé na'in-3 mate iha inan-nia kanotak.

"Totál óbitu ohin na'in-5 (adultu na'in-2, mate iha inan-nia kanotak na'in-3) Mane ho idade tinan 41 Timoroan, hela iha Ermera diagnostikadu iha 9 Agostu 2021 ho sindroma insufisiénsia respiratória aguda (SIRA) tamba Covid-19 (Teste PCR nia resultadu pozitivu, Cycle Threshold: E gene 31,7)", dehan nia liuhusi komunikadu imprensa (17/08).

Metebian iha istória anemia krónika tamba Multiple Mieloma (tipu ida husi leusemia). Tanba ne’e Transfere ba Vera Cruz iha loron ne’e kedas no hala’o tratamentu tuir protokolu tratamentu ba Covid-19.

Maizumenus 17:00 oras timor leste (otl) loron 16 Agostu matebian iis kotu tanba multiple organ failure. Teste PCR hafoin iis-kotu nafatin pozitivu (CT E gene 19,6; N 21,3).

Família koordena ona ho ekipa saúde atu hala’o funeràl tuir protokolu ne’ebé adopta iha Timor-Leste.

Feto ho idade tinan 37 Timoroan, haruka husi HNGV, iha 12 Agostu tinan 2021 ho diagnóstiku G2P1A0 (isin-rua daruak, tu’ur-ahi dala ida, laiha istoria abortu), isin-rua semana 40 ho mós diagnostiku Covid-19 (CT         27) ho sintomas respiratorius.

Iha loron 16 fulan -Agostu kalan hahú prosesu tu’ur-ahi maibé tuku 01h00 dader no loron 17 Agostu, inan iis-kotu tanba amnion liquid embolia.  

Oan iha inan-nia kanotak mósla salva. Família koordena hela ho ekipa saúde atu hala’o funerál tuir protokolu ne’ebé adopta iha Timor-Leste.

Nune’e moss (bebé mate iha inan nia kanotak) husi inan isin-rua G3P1A1 ho idade semana 28. Inan iha kondisaun estável maibé ho diagnostiku Covid-19. (*)